Jørgen Moe
Frå Wikipedia – det frie oppslagsverket
Jørgen Engebretsen Moe, (22. april 1813-27. mars 1882), norsk biskop, forfattar og eventyrsamlar.
Jørgen Moe vart fødd på den velståande garden Mo, som ligg i Hole på Ringerike. Han er mest kjend som eine delen av Asbjørnsen og Moe, dei to eventyrsamlarane som samla og gav ut flest norske folkeeventyr. Det var i ungdommen at Moe vart kjend med Asbjørnsen, og dei to drog rundt og skreiv ned eventyr dei vart fortalde. Medan Asbjørnsen likte korte og gjerne morosame historiar, var Moe meir oppteken av dei meir alvarssame undereventyra og legendene.
Jørgen Moe utdanna seg til prest, og etter å ha tena som kapellan i fleire år vart han i 1863 sokneprest i Bragernes kyrkje i Drammen. Seinare flytta han til Vestre Aker kyrkje i Christiania, og til slutt vart han biskop i Kristiansand.
I tillegg til eventyrsamlinga ga Moe òg ut sjølvskrivne verk, både dikt og forteljingar.
Sonen hans Moltke Moe tok opp arva etter både Asbjørnsen og faren.
[endre] Hovudverk
- Norske folkeeventyr, 1841
- Digte, 1849
- I brønden og i tjernet, 1851
- At hænge på juletreet, 1855
- En liten julegave, 1860
- Samlede skrifter, 1877
