José Antonio Primo de Rivera
Frå Wikipedia – det frie oppslagsverket
José Antonio Primo de Rivera (24. april 1903–20. november 1936) var son av Miguel Primo de Rivera, som var diktator i Spania frå 1923 til 1930. José Antonio vart fødd i Madrid.
Han grunnla Falangistpartiet (Falange Española) i 1933. Partiet ynskte å gjera Spania til ein stat inspirert av tenkinga i fascismen. Ein skulle gjera slutt på motsetnadane mellom samfunnsklassane (klassekampen). Ved valet i 1936 fekk falangistane berre 0.7 % av røystene, men dei hadde stor vekst i oppslutnaden. Innan juli same år hadde dei meir enn 40 000 medlemar av partiet.
Primo de Rivera var tilhengjar av opprøret i juli 1936 mot den venstreorienterte republikanske regjeringa. I den spanske borgarkrigen, vart falangistane dominerande innan den meir vidfemnande politiske rørsla "nasjonalistane".
José Antonio vart fanga den 6. juli 1936. Han vart halden fanga inntil han vart avretta i Alicante den 20. november 1936.
Francisco Franco sitt diktatur laga til mykje persondyrking knytt til José Antonio. Han var ein "martyr av korstoget", sjå det spanske omgrepet El Ausente.
På ytterveggen i kvar soknekyrkje i Spania var der ein plakett som lista opp lokale soldatar som døydde i borgarkrigen. (Caídos por Dios y por España, "Fall for Gudd og Spania"). José Antonio sitt namn stod fyrst på kvart skilt. José Antonio vart eit veldig vanleg namn i Spania.
José Antonio si syster starta organisasjonen Sección Femenina (kvinnerørsla innan falangistane).
Franco fekk bygd mausoleet Valle de los Caídos med tvangsarbeid. I mausoleet ligg liket av José Antonio. Den 20. november, nærare førti år seinare (1975), døydde Franco. Det er spekulert i om livet til Franco vart kunstig forlenga for at han kunne døy den symbolske dagen. Franco vart gravlagd ved sida av José Antonio.
20. november er framleis ein symbolsk dag for den ytre høgresida i spansk politikk.
