Juvente
Frå Wikipedia – det frie oppslagsverket
Juvente (latin: ungdomstid) er ein partipolitisk uavhengig og religiøst nøytral norsk ungdomsorganisasjon, som jobbar for rusgiftfri utvikling, fred, toleranse og like rettar for alle. Medlemmane i organisasjonen er i hovudsak mellom 13 og 26 år, og har valt ein edru livsstil.
Juvente er engasjert i rusgiftpolitikk og førebygging, driv utviklingshjelp via organisasjonen Forut, og søkker å skape gode ungdomsmiljø i heile landet, med lokallag, kurs, samlingar og andre arrangement. Organisasjonen arbeider også for antirasisme og integrering. Dei mest kjende eksterne prosjekta til Juvente er Kolon musikkteater (for den vidaregåande skolen) og skoleopplegget Fristil (tidl. Holdning til rusgift / Handling mot rusgift) for niande klasse i grunnskolen.
[endre] Historie og tilknytingar
Juvente blei stifta 1.-2. juli 1992, som ei samanslåing av Det Norske Totalavholdsselskaps Ungdomsforbund (DNTU, stifta 1924) og Norges Godtemplar Ungdomsforbund (NGU, stifta juni 1909). Juvente fungerar som ungdomsorganisasjon for Det Norske Totalavholdsselskap (DNT, stifta 29. desember 1859) og IOGT i Norge (stifta 8. mars 1877). Internasjonalt er Juvente medlem i IOGT-International og European Good Templar Youth Federation (EGTYF). I Noreg er Juvente medlem i paraplyorganisasjonane Actis (Rusfeltets samarbeidsorgan, tidl. Avholdsfolkets Landsråd) og Landsrådet for Norges Barne- og Ungdomsorganisasjoner (LNU). Studiearbeidet i organisasjonen blir drive med statsstønad via Populus – Studieforbundet Folkeopplysning.
[endre] Leiarar
- Ida Oleanna Hagen, Hedmark/Oppland krets 1992–1993
- Vigdis Vestby, Hedmark/Oppland krets 1993–1995
- Torstein Nybø, Hedmark/Oppland krets 1995–1997
- Sten Magne Berglund, Troms krets 1997–2001
- Marte Haabeth Grindaker, Hedmark/Oppland krets 2001–2003
- Martin Hermstad Løvlien, Nordland krets 2003–2005
- Odrun Katrine Bergland, Troms og Ofoten krets 2005–
