Mander Organ Company
Frå Wikipedia – det frie oppslagsverket
Mander Organ Company er eit engelsk orgelbyggjeri, best kjend for å utføra store restaureringsprosjekt, men byggjer òg nye orgel.
Verksemda blei skipa i 1936 av Noel Mander, som kom frå ein familie med orgelbyggjingstradisjonar tilbake til 1700-talet. Firmaet vaks kraftig etter den andre verdskrigen då det reparerte talrike orgel som var blitt skada av bomber. Sidan 1983 har sonen John Mander styrt verksemda.
Kjende orgelarbeid utførde av Mander:
- Birmingham rådhus i England (1983, restaurering)
- Royal Albert Hall i London i England (2004, restaurering)
- Saint Ignatius-Loyola-kyrkja i New York i USA (1993, nytt hovudorgel)
- Saint Paul's Cathedral i London i England (1977, ombygning)
- Stavanger domkyrkje i Stavanger i Noreg (1995, nytt kororgel)
