Nervesystemet

Frå Wikipedia – det frie oppslagsverket

Nervesystemet til eit dyr samordnar muskelaktivitet, overvåkar organa, tek imot og sender vidare meldingar frå sansesystema, og starter handlingar. Sjå òg sentralnervesystemet.

[endre] Nervesystemet hos virveldyr

Nervesystemet hos virveldyr blir ofte delt inn i sentralnervesystemet (CNS) og det perifere nervesystemet (PNS). Sentralnervesystemet består av hjernen og ryggmargen, medan det perifere nervesystemet består av alle dei andre nevronane som ikkje er med i sentralnervesystemet — størstedelen av det ein til vanleg kallar nerver.

Organisering av nervesystemet hos virveldyr

Det perifere nervesystemet	Det somatiske nervesystem
	Det autonome nervesystem	Det sympatiske nervesystem
	Det parasympatiske nervesystem
	Det enteriske nervesystem
Sentralnervesystemet (hjernen og ryggmargen)

Det perifere nervesystemet delar ein inn i det somatiske nervesystemet og det autonome nervesystemet. Det somatiske nervesystemet er ansvarlig for å samkjøra rørslene til kroppen og å ta imot inntrykk utanfrå. Det autonome nervesystemet er den ufrivillige delen av nervesystemet, der alle prosessar i indre organ blir styrt.

Det autonome nervesystemet er delt inn i det sympatiske nervesystemet og det parasympatiske nervesystemet. Det sympatiske nervesystemet svarer på stress og truande farer ved å auka blodtrykk og puls, skapa ei kjensle av opphissing, og gjera andre fysiske endringer. Det parasympatiske nervesystemet er aktivt når eit individ kviler og kjenner seg avslappa, og er ansvarleg for oppgåver som sammentrekking av pupillar, senking av puls, utviding av blodkar og stimulering av fordøyelse og forplantingsorgan.