Ragnar Thorseth
Frå Wikipedia – det frie oppslagsverket
Ragnar Thorseth, fødd i 1948, er ein eventyrar og forfattar frå Herøy på Sunnmøre.
Ragnar Thorseth vart kjend som eventyrar etter fleire dristige turar i mindre båtar. I 1969 rodde han som første mann åleine frå Noreg (Måløy) til Lerwick på Shetland. I det neste tiåret reiste han mellom anna Nordishavet rundt, over Atlanterhavet og gjennom Nordvestpassasjen. I 1982 går er han med på ein Snøscoter-ekspedisjon som går over isen til Nordpolen som vart nådd 29. april før han i perioden 1984—1986 siglar verda rundt med «Saga Siglar». På slutten av 1980-talet tilbringer han og familien ein vinter i isødet i Kongsfjorden på Svalbard.
I 1989 starta han og kona Kari opp Håholmen Havstuer på Håholmen i Hustadvika.
Ragnar Thorseth har gitt ut bøker med tekst og bilete frå alle dei største ekspedisjonane.
[endre] Ekspedisjonar
- 24. juli—3. august 1969 - Ragnar Thorseth ror frå Måløy til Lerwick på Shetland
- 1971 - Reiser Nordishavet rundt, omlag 6000 nautiske mil med den 32 fot lange «Santho»
- 1975 - Brukar fem månader over Atlanterhavet med «Cleng Peerson» langs leia nytta av dei første utvandrarane til Vinland, ein tur på 8500 nautiske mil som endar i New York i USA
- 1979 — 1980 - Passerar Nordvestpassasjen på same viset som Roald Amundsen i ein 20 fots båt
- 29. april 1982 - når Nordpolen som del av den fyrste norske ekspedisjonen som tok seg fram over isen
- 1984—1986 - siglar jorda rundt med vikingknarren «Saga Siglar»
- 1987—1988 - overvintrar saman med familien i Kongsfjorden på Svalbard i båten «Havella»
- 1991 - Thorseth er kaptein på gokstadskipkopien «GAIA» frå Noreg til New York i USA
[endre] Bibliografi
- Alene over Nordsjøen - og eventyrferder i Nordishavet - 1979 (Nordvest informasjon)
- Med kurs for Nordvestpassasjen: 75 år etter Roald Amundsen - 1981 (Nordvest informasjon)
- Ferden mot Nordpolen - 1982 (Hjemmet)
- Forlis:Nord i isheimen - 1983 (Nordvest informasjon)
- Saga siglar: århundrets seilas jorda rundt - 1988 (Nordvest forlag)
- Familien i isødet: En vinter i Kongsfjorden på Svalbard - 1989 (Grøndahl)
