Wikipedia:Retningsliner for nynorsk målføring

Frå Wikipedia – det frie oppslagsverket

Snarveg: WP:Mål

Nynorsk Wikipedia er hovudsakleg skriven på nynorsk godkjend av Språkrådet. Ein skal bruka hovudformer (læreboknormalen) i namn på artiklar og kategoriar. Innan ein artikkel står ein derimot fritt til å bruka sideformer (klammeformer), og det finst òg ein del parallellartiklar skrivne på ulike former for høgnorsk.

Å retta på andre si språkføring så lenge ho er konsekvent og høyrer inn under nynorsk-paraplyen fører ofte til unødig konflikt og er difor ikkje tilrådd. Noko anna er det viss du ønsker å utvida ein artikkel som er skrive på ei anna språkform enn den du sjølv meistrar. Hovudregelen er at språkføringa bør vera lik i heile artikkelen.

Innhaldsliste

1 Bruk av høgnorsk
- 1.1 Framgangsmåte for å laga og lenkja artiklar
2 Nyttige peikarar
3 Sjå òg

[endre] Bruk av høgnorsk

Artiklar som skal haldast på høgnorsk med bruk av former som ikkje finst på moderne nynorsk bør leggjast under forstavinga Hn/, med peikar mellom høgnorskartikkeln og utgåva på normalnynorsk. Høgnorskartiklar har òg eit eige kategoritre kategori:høgnorske flokkar.

[endre] Framgangsmåte for å laga og lenkja artiklar

Ein høgnorskartikkel om til dømes Ivar Aasen høyrer heime under Hn/Ivar Aasen.

Når det finst artiklar på begge målformer lenker ein dei saman slik:

{{nynorsk|nynorsksida=[namnet på den nynorske artikkelen]}}.

blir sett inn i høgnorskartikkelen

{{høgnorsk|høgnorsksida=[namnet på den høgnorske artikkelen]}}.

blir sett inn i nynorskartikkelen.

Dersom du vil laga ein ny artikkel på høgnorsk og temaet ikkje er omtala på nynorsk, kan du gjerne leggja han inn i hovudnamnerommet, men må då venta at språket blir normalisert.

Som nemnt ovanfor er det lov å endra rettskrivinga dersom du ikkje er i stand til å nytta den opphavlege rettskrivinga. For høgnorske artiklar gjeld det då at du fyrst syter for at artikkelen vert overførd til ei eiga høgnorsk utgåva. Den nye høgnorskartikkelen opprettar du ved å laga ei ny side med forstavinga hn/. Du må dessutan leggja ein mal øvst i artikkelen din om at han òg finst på høgnorsk. Denne malen legg du inn ved å skriva