Sraosha
Frå Wikipedia – det frie oppslagsverket
| Religion |
| Denne artikkelen er del av serien om Parsismen |
 |
| Teologi |
| Ahura Mazda |
| Angra Mainyu |
| Spenta Mainyu |
| Yazataene |
| Atar - Verethraghna - Rashnu Sraosha - Mithra - Anahita |
| Amesja Spentaene |
| Asja Vahisjta - Vohu Manah Khsjathra Vairya - Spenta Armaiti Haurvatát - Ameretát |
I parsismen er Sraosha namnet til eit viktig guddomeleg vesen. Mange parsarar, særleg indiske parsarar, reknar vesenet for persongjeringa av eit religiøst omgrep.
[endre] Sraosha-omgrepet i gathaene
Ordet "sraosha" tyder "det å høyra" på gammalt avestisk. Ordet meinte å stå i samband med Ahura Mazda, som Gud blir kalla i parsisme, og å lyda etter og ta imot orda hans. Sraosha lever i kvart menneske og hjelper oss å høyra på Mazda si røyst. Det vernar oss imot den vonde ånda, og styrar oss til å forstå grunnsetningane som allheimen er basert på. Sraosha meiner også at Mazda alltid høyrer våre røyster og leier oss til det rette valet.
[endre] Sraosha-vesenet i seinare parsisme
Sidan Sraosha var rekna som sambandsvegen mellom menneske og Ahura Mazda, var det lett å persongjera han. Sraosha blei Ahura Mazda sin bodberar, og ikjøtinga av ordet hans. Det er Sraosha som vernar menneske imot demonar kvar natt. Han kjem ned til jorda tre gongar om natta for å kriga imot dei, og knusar skallane deira med klubba si. Når verda endar skal han øydeleggja alt som er vondt i allheimen.
Sraosha blei også rekna som ein av dei tre dommarane som dømmer over sjelene til menneske. Han leiar dei rettvise sjelene til himmelen. Han går også i forbøn for menneske si tilgjeving.
Sraosha er tenkt på som ein sterk og heilage ung mann som bur i eit hus som har tusen suler, og rider på ei stridsvogn drege av fire kvite hestar.
