Thimphu
Frå Wikipedia – det frie oppslagsverket
 |
|
| Styresmakter | |
|---|---|
| Land |
Bhutan |
| Geografi | |
| Flatevidd - By |
km² |
| Innbyggjarar - By (2005) |
69 000 |
| Koordinatar | 27°28′00″N, 89°38′30″E |
| Høgd over havet | 2 736 m |
| Diverse annan informasjon | |
Thimpu er hovudstad i Bhutan. Den omliggande dalen og fylket (dzongkhag) har òg same namn. Byen har 69 000 innbyggjarar (2005), og er utan samanlikning den største busettinga i landet. Byen strekkjer seg ut langs vestsida av Wang Chhu-elva sitt dalføre. Byen har, som mange andre hovudstader, vakse kraftig som følgje av flukta frå landsbygda. Utviklinga har ført til renovering i bykjerna og rask vekst i forstadene.
Dechenchoeling, den offisielle kongeboligen, ligg nord for byen. Det same gjer klostera Dechenphu, Tango og Cheri.
Tashichoedzong, hovudstaden sin dzong, med fleire nasjonale funksjonar, ligg òg på nordsida av byen. Dette palasset/borga vart bygt i 1641, og har vore sete for regjeringa sidan 1952. Kvart år, på seinsommaren, er Tashichoedzong åstad for ein fargerik maskedansfestival kalla tsechhu [1]. Dette er er ein populær turistattraksjon.
I hovudgata Norzim Lam ligg det butikkar, restaurantar, kjøpesenter og offentlege bygningar. Overalt finns ei blanding av boligblokker, mindre bustader og familiedrivne butikkar. Styresmaktene praktiserar ein streng kontroll med byggeskikken: alle bustader skal utsmykkast i tradisjonell stil, med buddhistiske maleri og motiv. Dette vert handheva svært strengt, og brot på eksteriørforskriftene kan føre til at bygg vert rivne.
Nede ved elva ligg eit livleg marked i helgene. Her vert det selt kjøt, grønnsaker og suvenirar. Det meste av byen sin småindustri ligg sør for den største brua.
Thimpu er den einaste hovudstaden i verda utan trafikklys.
