Troglav
Frå Wikipedia – det frie oppslagsverket
| Troglav | ||
|---|---|---|
 |
||
| Høgd over havet | 1 913 m | |
| Ligg i/på | Bosnia-Hercegovina | |
| Fjellkjede | Dei dinariske Alpane | |
| Koordinatar | ||
Troglav er den høgaste toppen i fjellkjeda Dinara, og symboliserar Dei dinariske Alpane, den lengste fjellkjeda på Balkan. Troglav ligg i Bosnia-Hercegovina, og er kalla opp etter Triglav, ein slavisk gud. Namnet tyder bokstaveleg «med tre hovud».
Troglavgruppa er rundt 30 km lang og 15 km brei, og den største i kjeda. På nordvestsida er fjellet skild frå Dinaragruppa av Privijapasset (1 230 m), og i søraust frå Kamešnicagruppa av Vaganjpasset (1 173 m), som knyttar Sinj i Kroatia saman med Livno i Bosnia. På nordaustsida ligg den store karstsletta Livno (Livanjsko Polje; 700 m), som er 65 km lang. På sørvestsida, i Kroatia, ligg elvedalen Cetina med den 15 km lange innsjøen Peruča (Peručko jezero).
Den sørvestlege sida (kroatiske sida) stig oppover i få steg. Dei første stega stig opp til rundt 1 500-1 600 m. Opp til rundt 1 100 meter er fjellsida skogkledd, stort sett av eik og agnbøk, medan området over er grasskledd. Bak ligg eit søkk, som er ein labyrint av toppar opp til 1 700 m, ryggar og platå, i lag med traktforma søkk inn i mellom. På ein del av platået kalla Vještičja Gora (rundt 1 400 m), sør for Troglav, er det ein større bøkeskog, som er godt synleg mot grass og stein i bakgrunnen. Bak dette området stig hovudryggen oppover.
Den nordaustlege sida (bosniske sida) er mykje brattare og stort sett skokledd med bøk og gran.
