Uvac
Frå Wikipedia – det frie oppslagsverket
| Uvac | ||
| Utspring | Pešter-platået i Ninaja | |
| Munning | Lim nord for Priboj | |
| Tilknytta land | Serbia, Bosnia-Hercegovina | |
| Lengd | 119 km | |
| Middelvassføring | 18 m³/s | |
| Nedslagsfelt | 1 310 km² | |
Uvac (serbisk kyrillisk: Увац) er ei elv i sørvestlege delar av Serbia og Republika Srpska i Bosnia-Hercegovina. Ho er 119 km lang og ei av dei største sideelvane til Lim. Før ho munnar ut i Lim utgjer dei siste 10 km grensa mellom Serbia og Bosnia-Hercegovina.
Uvac har sitt utspring på Pešter-platået i Ninajafjellet som Rasanska reka (Cyrillic: Расанска река). Ho møter Brnjička reka (kyrillisk: Брњичка река), og går inn i Sjenica-senkinga og vidare frå her som Vapa (kyrillisk: Вапа). Elva tek så i mot den korte elva Uvac, som har sitt utspring i fjellet Ozren, og frå her har elva namnet Uvac.
I regionen Stari Vlah er det bygd tre vasskraftverk på elva, og kvar av desse har ein stor kunstig innsjø (opp til 7,3 km²). I den nedre delen av elva renn ho mellom fjella Zlatar og Zlatibor og når så den bosniske grensa. Uvac munnar ut i Lim nord for byen Priboj.
Uvac har eit nedslagsfelt på 1 310 km², og er ein del av tilsigsområdet til Svartehavet. Ved munningen har ho ei middelvassføring på 18 m³/s.
[endre] Kjelder
- Mala Prosvetina Enciklopedija, Third edition (1985); Prosveta; ISBN 86-07-00001-2
- Jovan Đ. Marković (1990): Enciklopedijski geografski leksikon Jugoslavije; Svjetlost-Sarajevo; ISBN 86-01-02651-6
- Denne artikkelen er basert på ei omsetjing av artikkelen Uvac frå Engelsk Wikipedia.
