Pièrre dé chorchièrs

From Wikipedia

Ch't' articl'ye fut c'menchie en Jèrriais

Eune pièrre dé chorchièrs est eune pliate pièrre sus les bords des cheunm'nées d'vielles démeuthes.

En Jèrri, nou-s'explyique dé couôteunme qu'les gens du temps pâssé bâtîtent ches pièrres pouor pouver offri un mio d'èrpos ès chorchièrs et ès chorchiéthes quand ches'-chîn 'taient à voler à lus sabats. Malheu ès cheins tchi n'laîssaient pon eune pièrre à lus jutchi sus ès chorchièrs, car ches'-chîn pouôrraient faithe du mêché.

L'explicâtion factuelle est mains fantastique. Au jour d'aniet j'viyons les maîsons auve des liefs en tîle ou en ardouaise, et les pièrres dé chorchièrs appathaîssent au mitan d'la cheunm'née. Mais aut'fais les liefs 'taient en glyi - et pus êpais. Les pièrres 'taient bâties don dans les cheunm'nées pouor protégi l'glyi d'la plyie tchi coulait ava les côtés d'la cheunm'née.

[amendaer] Gal'lie

Nou vait du glyi à Hamptonne	Quand l'glyi est hors, les tîles laîssent du louoga
			Ch'est eune cheunm'née tout à fait modèrne tch'a des pièrres dé chorchièrs