Arsèni Vermenosa
Un article de Wikipèdia, l'enciclopèdia liura.
Arsèni Vermenosa (Vielha, Auvernha, 1850-1910) es un dels poètas occitans mai famoses del país d'Auvernha. Foguèt un membre eminent e animaire del felibritge d'Auvernha. Visquèt qualques annadas a ras de Toledo (Espanha) amb sa familha, d'ont, tre 1879, mandèt de colllaboracions a l'Avenir du Cantal. S'installèt mai tard a Orlhac e s'avodèt intensament a cantar son país e sas gents, dins l'esperit del felibritge.
"L'Avenir du Cantal" èra lo jornal del Partit radical, d'esquèrra (uèi puslèu anti-occitan). Son cap dins lo departament de Cantal, Sénher Bancharel, publicava de suplements del jornal en lenga d'òc. Lo jove Arsèni Vermenosa teniá per aquelas idèas e manifestava un cèrt anticlericalisme. Mai tard visquèt una evolucion progressiva cap a la religiositat, e escriguèt dins d'autres revistas e jornals, amb un ton devociós.
Aprèp la desfacha francesa de 1870, escriquèt, coma Frederic Mistral, de poèmas patriotics franceses en occitan.
[Modificar] Òbras
- Flor de Brossa (1896)
- Jos la Clujada (1909).
- En plein air (1900), recuèlh en francés
- Mon Auvergne, recuèlh en francés amb de comentaris que s'i fa sentir l'occitan.
