Glaudi Barsotti
Un article de Wikipèdia, l'enciclopèdia liura.
Glaudi Barsotti (tanben s'es agut vist la forma Claudi Barsòtti, en francés Claude Barsotti) (nascut a Marselha, lo 26 de genièr de 1934) es un escrivan e un jornalista occitan.
Foguèt oficier radiotecnician dins la marina de comèrci e barutlèt de pertot, d'Asia a Euròpa en passant per Africa. Foguèt mobilizat per la guèrra d'Argeria en 1956 e 1957. Daissèt puèi la marina per l'administracion.
Militant a l'associacion culturala Lo Calen, de Marselha, puei a l'IEO (membre dau CA), es tanben membre dau Pen-Club de Lenga d'Òc.
En 1965, creèt lo jornau La Sartan que va venir lèu Actualitat Occitana.
Es tanben òme de ràdio e de television (collabòrèt a l'emission de television Vaquí).
[Modificar] Seis òbras
- A flor e mesura, cronicas d'un jornalista, 1963
- Lo lop en Occitània, 1964
- Antologia deis escrivans sociaus provençaus (1875 a 1914), 1975
- La tèrra deis autres, 1979
- Le music-hall marseillais de 1815 a 1914, 1984
- Parlam provençau (obratge collectiu), 1971
- Un sègle de premsa occitana a Marselha de 1840 a 1940, 1981-1982
- Cronicas, 1990
- Bestiari d'Occitània, 1992
- Le bouil et le tian: la cuisine du terroir provençal, 1996, Ais de Provença: Edisud
