Joan-Pau Verdier
Un article de Wikipèdia, l'enciclopèdia liura.
Joan-Pau Verdier es un chantaire occitan dau Peirigòrd, un daus mai coneguts de la reviscolada de la chançon occitana dins las annadas 1970, fenomèn sonat Nòva Cançon (emb d'autres chantaires coma Claudi Martí, Patric, Maria Roanet, Mans de Breish...) parallèl a la Nova Cançó catalana.
Tamben un daus prumiers a estre editat per ‘n’ostau de produccion nacionau (Philips) en 1973 emb lo disc ‘Occitània sempre’. ‘Queu contrat emb Philips faguet un pauc polemica dins lo mitan occitanista, que a ‘quel’epòca ‘qu’era considerat per quauqu’uns coma vendre son eime au diable parisenc…
Auei ‘quela mentalitat es ‘chabada e beucòp d’artistas occitans voldrian sinhar sus un label nacionau, mas ben pauc zo poden far ! Joan-Pau Verdier contunha sa carriera, a notament revirat en lemosin de las numerosas chançons dau Léo Ferré e anima tots los diumencs a miegjorn ‘n’emission occitana sus França Blu Peirigòrd, ‘quò se ‘pela ‘Meitat chen, meitat pòrc’ (en companhia dau Marçau Peironi).
Escriguèt la benda originala del filme Histoire d'Adrien, de Jean-Pierre Denis.
|
|
