Manifestacion per l'occitan

Un article de Wikipèdia, l'enciclopèdia liura.

L'aficha de la manifestacion de Besièrs, dessenhada per l'artista Ben

La Manifestacion per l'occitan apelada Anem! Per la lenga occitana, òc! es una manifestacion organizada per lo collectiu Manifestar per l'occitan.

Aquel collectiu es constituit de las principalas associacions occitanas (Institut d'Estudis Occitans, Felibritge, F.E.L.C.O., Calandreta, Òc-Bi e Conselh de la Joventut d'Òc).

Aquela manifestacion a per objectiu d'agandir la diversitat lingüistica e culturala en França e dins lo mond e de demandar a l'Estat una politica publica per la lenga occitana.

Somari

1 Manifestacion de Carcassona del 22 d'octòbre de 2005
- 1.1 Fotografia de la manifestacion de Carcassona
2 Manifestacion de Besièrs del 17 de març de 2007
- 2.1 Fotografias de la manifestacion de Besièrs
3 Ligams extèrnes

[Modificar] Manifestacion de Carcassona del 22 d'octòbre de 2005

La manifestacion per la lenga occitana de Carcassona foguèt un grand succès popular, qu'entre 8 000 e 12 000 personas i èran presentas. Lo cortègi partiguèt del jardin André Chenier per arribar a la Ciutat de Carcassona. A la fin de la manifestacion, las personas cantèron Se canta. Aprèp la manifestacion, una granda fèsta, amb divèrses grops de musica, s'organizèt a Vilagalhenc. Lo mond occitanista parla d'un abans e aprèp manifestation de Carcassona.

[Modificar] Fotografia de la manifestacion de Carcassona

[Modificar] Manifestacion de Besièrs del 17 de març de 2007

Mai de 20 000 personas an manifestat per faire dintrar las lengas minorizadas dins l'eleccion presidenciala e per sosténer la lenga e la cultura occitana. La tòca èra de demandar la modificacion de l'article 2 de la constitucion francesa e la ratificacion de la carta europèa de proteccion de las lengas regionalas e minorizadas.

Aquela manifestacion es estada marcada per la preséncia del Felibritge e de son capolièr que a dich dins son parladís que lenga d'òc e occitan èran dos tèrmes sinonims. Tanben, mantun òme politic èran presents coma lo cònsol de Tolosa Jean-Luc Moudenc o la candidata a l'eleccion presidenciala dels verds, Dominique Voynet e mai los representants del autres candidats.

De delegacions bretonas, catalanas, bascas e còrsas an portat lor sosten.

Aprèp la manifestacion, una granda fèsta organisada per l'associacion Gardarem la Tèrra, amb divèrses gropes de musica, s'organizèt dins las arenas de Besièrs. Amb aquela mobilizacion, lo movement occitanista mòstra que es pas un movement marginal.