Massilia Sound System
Un article de Wikipèdia, l'enciclopèdia liura.
Massilia Sound System es un grope de reggae aparegut a Marselha dins las annadas 1980 qu'a sabut desvolopar una version « provençala » del reggae / rub-a-dub jamaïcan a travèrs de lirics cantats en Occitan, e un son reconeissible entre mila, a basa de boitas de ritmes e de samples piochats dins la tradicion locala o çò lors collègas. Longtemps deslaissat per los ostals de disques, lo grop a fondat sa pròpia estructura de produccion Roker promocion. Lo grop s'implica dempuèi longtemps dins la vida culturala de Marselha multiplicant los balèti, los repaises de barri e autres iniciativas simpaticas.
Lo Massilia a sabut repopularisar la vila de Marselha dins las annadas 1990, en conjonccion amb los bons resultats de l'Olimpic de Marselha e d'autres gropes de la scèna marselhesa (IAM) e balhar atal una identitat positiva a una generacion entièra de Marselheses joves, fièrs de lor ciutat e de sa capacitat a brassejar las culturas.
De ligams regionals se sont formats amb d'autres formacions, coma los Fabulous Trobadors de Claudi Sicre a Tolosa, los Nux Vomica a Niça, e d'autras formacions reggae/ragga utilisant de valors e una lenga regionalas. Veire la Linha Imaginòt.
Lors darrièrs alboms reintègran las sonoritats rock, aprigondisson las exploracions world, coma l'utilisacion dels tablas, e fan quitament qualques incursions dins la drum'n'bass. En 2004, an decidit de daissar plaça a de projèctes solò, coma los de Oai Star (rock/ragga festiu), Papet J (dub), Moussu T e lei Jovents (lo grop de Tatou, cançon).
[Modificar] Discografia
- Parla Patois (1992)
- Chourmo (1993)
- Commando Fada (1995)
- Aïolliwood (1997)
- Marseille London Experience (1999)
- 3968 CR 13 (2000)
- Occitanista (2002)
- Massilia fait tourner (Live, 2004)
