National socialist black metal
Un article de Wikipèdia, l'enciclopèdia liura.
Lo National socialist black metal ( o NSBM) qu'ei un sota genre deu black metal. Com lo nom ac ditz, las paraulas que hèn l'apologia deu nazisme. Au nivèu musicau, n'i a pas gran causa qui cambie deu black metal "classic".
De segur, aqueth estile qu'ei hòrt confidenciau, com la oï nazia. Parièr, lo grop de NSBM Seigneur Voland que s'ac virè per aver quauquas pajas sus eth dens magazines de metal "classics" e atau véner mei de discs que los autes.
Precisem tanben que hèra de grops de metal (Motörhead, Slayer, Venom, etc...) hèn referéncia a l'alemanha nazia o a d'autes regimes totalitaris (los regimes islamics per Immortal Ayatollah, per exemple) shens adherir ad aqueras ideologias, pr'aquò. En efèit, dens un estile musicau qui parla de mort, d'opression e deu mau en generau, l'istòria deu sègle XX qu'ei un subjecte de paraulas de mau esvitar. Cèrtas tematicas religadas au totalitarisme que son vadudas tòpoi : uei lo dia que seré de mau comptar lo nombre de grops o de cançons qui s'apèran o se son aperats Genocide, per exemple.
Mes enter la fascinacion inspiratora deus artista e l'adhesion ideologica, la termièra qu'ei esloisha e sustot de mau véder entau public. Vist qu'ei anticomerciau d'afirmà's clarament neo-nazi, que's podem demandar si cèrtes grops n'an pas un messatge volotariament ambigü.
