Ajuda:Pagina Utilizaire
Un article de Wikipèdia, l'enciclopèdia liura.
Atencion : Aquesta pagina es pas vòstra pagina personala ; aquesta es accessibla en clicant sul ligam a vòstre nom, tot en naut.
Se vòstre nom d'utilizaire es Daquòs, alara :
- vòstra pagina d'utilizaire es la pagina Utilizaire:Daquòs ;
- vòstra pagina de discussion es la pagina Discussion Utilizaire:Daquòs ;
- vòstras jos-paginas d'utilizaire seràn de la forma :
- Utilizaire:Daquòs/açò,
- Discussion Utilizaire:Daquòs/aquò ;
- Vòstre espaci utilizaire es l'ensemble de çò que precedís.
Somari |
[Modificar] Cossí concebre mas paginas personalas ?
Vòstra fòto, vòstre nom vertadièr, vòstra adreça de corrièr electronic, vòstras coordenadas de messatjariá instantanèa, vòstra situacion geografica, vòstres domenis d'interès o d'expertisa, vòstres gosts (e desgosts), vòstra adreça web o autras contribucions sus la tela constituisson de bons elements qu'utilizaretz segon vòstres imperatius en matèria de proteccion de la vida privada. Aquesta presentacion pòt èstre facha amb l'ajuda de pichons quadres illustrats, apelats boita utilizaire, cada boita portant una precision. Veire Modèls/Espaci_Utilizaire.
Podètz emplegar tanben vòstras paginas personalas per tal de vos ajudar a utilizar Wikipèdia mai eficaçament :
- lista de prètzfaches
- estat de vòstras òbras
- mèmos
- ligams utils
- e a mai nauc de sabla personal pr'amor de realizar tests e experiéncias en matèria d'edicion wikipediana.
Tanben es l'endrech
- ont podètz far conéisser vòstras activitats sus Wikipèdia
- ont se pòdon publicar vòstras idèas sus l'enciclopèdia liura
- ont indicar vòstres projèctes actuals
- ont fargar un jornal de vòstras activitats de Wikipedian
- ont formular de remarcas generalas sul foncionament de la Wikipèdia e de la comunautat qu'abriga, sus sos aspèctes socials, politics o filosofics.
Es aicí tanben que nos daissaretz un messatge se pensatz de vos alunhar un momenton.
Pensatz de pimentar vòstra pagina d'un trach d'umor, d'una citacion, de qualques ligams puntant sus vòstres articles o imatges favorits: es tanben un biais de suggerir cèrts traches de vòstra personalitat e un exercici que nos permet de nos conéisser melhor.
En cas que, per quina rason que siá, vòstres privilègis de participant o de participanta foguèsson, ailàs, suspenduts, es sus vòstra pagina personala qu'un bendèl o indicariá.
- Per contra, es sus aquesta pagina que d'autres wikipedians podòn vos atribuir una medalha de meriti que nòstres omològs anglofòns an nomenat Barnstar
-
- equivalent occitan: Wikipèdia:Decernissètz los laurièrs.
Se volètz cobrir vòstras contribucions jos una licéncia suplementària (dual-license) o las declarar del domeni public, o cal senhalar tanben sus vòstra pagina personala.
D'un biais general, abstenètz-vos de modificar las paginas personalas dels autres a mens d'o èsser estat autorizat. Las pichòtas correccions ortograficas, estilisticas o tipograficas, son normalament benvengudas mas podòn èstre de còps percebudas coma ofensantas: un messatge plen de diplomacia es sovent preferible.
[Modificar] Cossí gerir mas paginas de discussion ?
Vòstra pagina de discussion personala servís pels escambis amb los autres wikipedistas sus de tèmas que pertòcan la Wikipèdia. Se se perlonga al delà de 32 ko, d'unes wikinautas riscan de la poder pas consultar entièra. Podètz alara, coma volgatz, resumir, archivar, a mai escafar tot o de bocins del contengut.
Se vos agradèsson pas las criticas, poiriatz èsser temptat de las escafar sistematicament. Aquò poiriá nòser a vòstre imatge e menar vòstre contradictor a repetir sa critica, o quitament a la portar a un nivèl mai public : per exemple a la Tavèrna. Soscatz-i!.
En respondent a vòstres interlocutors sus vòstra pròpria pagina de discussion, riscatz que remarquen pas vòstra responsa. Val mai de o far sus la pagina de discussion de l'interlocutor amb çaquelà l'inconvenient d'esclatar la conversacion. D'autras solucions son envisatjablas :
- respondre sus sa pròpria pagina e n'avertir l'interlocutor sus la seuna
- se lo subjècte es d'interès general, dobrir un article a son ensenha e transpausar la discussion sus la pagina de discussion d’aqueste article
[Modificar] Cossí utilizar las sospaginas personalas ?
Un pauc segon vòstres besonhs e vòstra fantasiá. I botaretz vòstras discussions archivadas, d'annèxas a vòstra pagina de presentacion mas tanben, se voletz trabalhar tranquillet, d'articles en fasa d'elaboracion.
[Modificar] Que cal defugir sus las paginas personalas ?
- De ne far un weblog relatiu a vòstras activitats extra-wikipedianas. Al luòc d'aquò, prenètz aqueste weblog o blog dins un espaci mai apropriat, quiti a plaçar sus vòstra pagina un ligam vèrs aqueste sit.
- D'i abordar de subjèctes sens interès per l'enciclopèdia. Meteissa remarca qu'al punt precedent.
- De vos liurar d'un biais tròp personal o tròp copiós. Dins aqueste cas, pensatz puslèu de crear un sit e de li balhar un ligam sus vòstra pagina.
- D'afichar d'opinions otrancièras o ofensantas.
- De transformar aqueste espaci en aira de juòc o, en general, de doblidar la foncion enciclopedica de nòstra Wikipèdia.
- Tot çò que pòt ajudar a la construccion de nòstra comunautat i a en revenge sa plaça.
- Son aicí puslèu de conselhs que d'interdiches e la tolerància es — en principi — de mesa, en particular amb los començants e, segon la version anglofòna del present article amb los wikipedians meritants per endacòm mai. Aquesta precision estonanta daissa supausar que òm pòt rescatar una marrida conducha per de dons en natura.
- Shocking, isn't it? — Yes, it is !
Consideratz çaquelà qu'un abús tolerat deven pas un drech per aquò.
[Modificar] Son de fòrabandir :
- D'usurpar l'espaci memòria wikipedian coma un disc exterior.
- De l'utilizar coma un sit liure.
- D'utilizar la banda passanta de Wikipèdia a d'autras fins qu'enciclopedicas.
- D'i proferir d'ataques personals.
- Aquí coma endacòm mai sus Wikipèdia, tot çò qu'es incompatible amb la licéncia GFDL.
Vejatz tanben Politica de confidentialitat.
[Modificar] Escafament
Se la comunautat vos ne fa la demanda, val mai d'escafar d'elements litigioses, quiti a los transferir sus un autre sit e a crear un ligam. Aqueste ligam deu çaquelà ele-meteis èsser compatible amb la filosofia de Wikipèdia.
Se pòt qu'aqueste retrach siá a títol provisòri : la reputacion qu'aquerriretz al fial de vòstres articles menarà benlèu la comunautat a percebre mièlhs la pertinéncia de vòstras intencions. Vos meteis, amb l'experiéncia, seretz benlèu menat a reformular vòstres prepauses.
Se sètz mal comprés, esitetz pas a donar una explicacion mas vos entestetz pas : s'adoptatz una actitud jujtada pauc cooperativa quitament pels mai tolerants, vos expausatz a de rectificacions d'ofici e mai, en cas de recidiva, a una proposicion d'escafament somesa al vòte de la comunautat. Cèrts abuses expausan lor autor a l'exclusion provisòria o definitiva, grau de sanccion mai elevat.
[Modificar] Cossí escafar una sospagina personala ?
Lo mejan mai simple es de la redirigir cap a vòstra pagina personala màger, en utilizant la sintaxi seguenta : « #REDIRECT[[Utilizaire:Lambda]] ». Aquò preserva la possibilitat de la reconstituïr amb l'ajuda de l'istoric.
Per suprimir realament una de sas pròpias jos-paginas personalas, cal simplament efectuar una requesta sus la pagina Wikipèdia:Demanda de supression immediata. Apuèi, l'istoric e lo contengut d' aquesta pagina seràn solament accessibles per los administrators.
