UNICEF
Un article de Wikipèdia, l'enciclopèdia liura.
Creada per l'Assemblada Generala de las Nacions Unidas en 1946 per tal d'ajudar los enfants d'Euròpa aprèp la Segonda Guèrra Mondiala, l'UNICEF o UNICÈF foguèt coneguda d'en primièr jol nom United Nations International Children's Emergency Fund (Fons Internacional d'Emergéncia de las Nacions Unidas pels enfants).
En 1953, l'UNICEF venguèt un Organisme Permanent al sen de las Nacions Unidas, amb la carga d’ajudar los enfants paures dels païses en via de desvolopament. Son nom foguèt cambiat en Fons de las Nacions Unidas per l'Enfança, mas s'es gardat l'acronim UNICEF qu'es lo nom que se li coneis fins ara. En 1965 li foguèt decernit lo Prèmi Nobel de la Patz.
En 2006 li foguèt atribuït lo Premio Príncipe de Asturias de la Concordia en reconeissença de l'esfòrç que pendent seissanta annadas a realizat en favor de l'enfança e, plan singularament, dins sa lucha recenta sul continent african contra l'ignorància, la pauretat e la malautiá.
