Bagnet vert
Da Wikipedia.
Ansema al bagnet ross, ël Bagnet vert a l’é un dij component pì sclint dla tàola piemontèisa. As fa an vàire version, a sconda che as trata dël Bagnet vert catòlich, ò pura ëd col bagnet che as gionta a cheich-còs d’àotr për felo al vert. [modìfica] Bagnet vertIngredient:
Pucé ij gërsin andrinta a l’asil an manera che a ven-o motobin mojà. Ëd j’euv pijé mach ij doj ross (për nen campeje via ij doj bianch dur che av resto i peule dovreje për fé j’euv a la bela rosin, che tant quand i jë pronte av ven sempe pì ëd pijn che nen ëd bianch). Ciapolé tut fin-a che i seve stofiave. A l’ha dë vnì fòra na crema vërda fin-a fin-a, che iv butreve andrinta a na cita bornija. Gionté dosman dl’euli e toiré fin-a che a ven lìquid ma nen esagerà. A fa nen da manca dë gionté dl’euli për coaté ël bagnet, che tant pen-a che i lo lasse daspërchiel ël ciapolà as seta e av resta sempe un bon mes centim d’euli da dzora che a fa da nata e a lassa nen passé l’aria. Lassé mitoné almanch dontre dì al frèid, se i l’eve pressa a basta bele mach che un dì sol fòra frigo. Për sòlit as mangia ansema al bujì, ma a l’é motobin galup ëdcò daspërchiel ant sël pan ò pura ansima a le patate bojìe. [modìfica] Ël vertËl vert as dòvra për fé la lenga al vert, j’anciove al vert e ij tomin vert, e as peul dovresse për mila àotre arsete dla midema sòrt. Ingredient:
Ciapolé tut fin-a che i seve stofiave. Ëdcò ambelessì a l’ha dë vnì fòra na crema vërda, ma a peul esse na frisa pì grosseura che nen cola dël bagnèt catòlich. An tute le manere, le grumele a dovrìo nen esse pì gròsse che 1 milim. Faita la crema i-j gionte l’asil e na frisa d’euli përchè a resta pì belfé a spatela ansima a ij tomin ò a la lenga. Se a fasèissa mai dë manca dë gionté anco’ dl’euli i feve an temp a giontejlo bele che a travaj finì. Ëdcò le ròbe al vert a l’han dë manca dë mitonesse chèich dì për fé che ij gust as marìo. |
 E be'? :) È facile imparare a leggere una lingua che si parla già. Consulti questa pagina e vedrà, in un attimo anche Lei avrà il suo badge da bogianen :)
SE LEER! ¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)
 a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.  E che a manca pa dë vardesse la pàgina d'agiut për chi as anandia da zero. |
