Di Wikipedia, l'enciclopedìa lìbbira.
- Sta liggenna vinni di li Greci ca, pi spiecari la ricchizza dî surgivi di acqua duci ca truvaru ntâ zona di l’Etna, si mmintaru la liggenna di Aci e Galatea.
- Aci, era un pastureddu ca viveva, pasculannu li sò pecuri, nte pinnici di l’Etna.
- Di iddu era nnammurata na biddìssima picciotta, ca si chiamava Galatea e ca havìa rispintu la pruposta d’amuri di Polifemu.
- Chistu, quannu s’accurgìu ca Galatea si la facìa cu lu pastureddu Aci, lu ammazzò, p’aviri, accussì, la strata lìbbira cu la bedda picciotta Galatea.
- Ma, l’amuri di Galatea pi lu sò Aci, cuntinuò macari nfinu a doppu ca chistu era mortu, e Polifemu ristò comu nu passuluni
- La janca Nereide, scunzulata, cu l’ajutu di li Dei, traspurmò lu corpu mortu di Aci nta surgivi di acqua duci, ca ancora oggi scìnninu pi li pinnici di l’Etna, vucalijannu sona malincònici di struggenti nustalgìa.
- Vicinu la costa, ammeri a na cuntrada chiamata oggi "Capu Mulini", nta un locu dispìcili di agghiùnciri da terra e cchiù facirmenti dô mari, c’è na nica surgiva firrusa ditta di li pupulazzioni lucali "lu sangu di Aci" pi lu sò culuri russastru.
- Nta la lucalità chiamata oggi "Capo Molini" ci fu na vota nu nicu villaggiu di piscatura ca era chiamatu, pi mimoria di lu pastureddu dô mitu grecu, Aci.
- Ntô XI° sec. d.c.d.C.D.C. un tirrimotu distrussi lu villaggiu, e la pupulazzioni ca supravvivìu funnò àutri paisi ntê vicinanzi.
- A mimoria di lu nnomu di lu villaggiu d’orìggini, li novi paisi foru chiamati Aci.
- Doppu tempu, si funnaru àutri paisi e, pi scanciari un paisi di l’àutru, a ogni cuntrada ci fu misu un secunnu nnomu, sparti di Aci; nascìu accussì Aci Casteddu ( pi un casteddu custruitu supra un faragghiuni), Acitrizza (pi la prisenza di tri faragghiuni ntô mari d’avanti ô paisi), Aci Bonaccorsi, Aci Catena, Aci S.Antoniu, Aci Platani e Aci Sanfulippu.
