Austu 2006

1 di austu, martidìa

Cubba: A càusa di n'opirazzioni ô ntistinu, Fidel Castru passa timpuraniamenti li putiri a sò frati Raúl.

3 di austu, jovidìa

Lampidusa: 240 extracumunitari partuti dâ Libbia sbarcaru ieri a Lampidusa. Intantu na missioni di l'Unioni Europea agghicàu a Lampidusa pi studiari li probblema.
Kiev: lu prisidenti di l'Ucraina, Viktor Yushenko desi l'incaricu di primu ministru a Viktor Yanukovich.

6 di austu, duminadìa

Budapest: Ntô natari, lu vitturisi Luca Marin agghicàu secunnu ê campiunati europei.
Budapest: Michael Schumacher e Fernando Alonso s'àppiru a ritirari nnô Gran Premiu di Fòrmula 1. Lu tudiscu, grazzî ô fattu chi si ritirau sulu a du gira dâ fini, fu comunqui classificatu uttavu, varagnànnusi nu puntu supèrchiu.

10 di austu, jovidìa

Londra:Massima allerta a l'ariuportu pi nu tintativu di attintatu kamikazi: 21 prisunti tirruristi foru arristati. L'ariuportu di Heathrow ristau fora sirvizziu tutta la jurnata.
Curliuni: grazzî ê pizzini, li Carrabbinera arrinisceru a ivitari n'ammazzatina e du' prisunti cullabburatura di Birnardu Pruvinzanu foru arristati.

13 di austu, duminicadìa

Libbanu: Puru Israeli accetta la risoluzzioni di l'Onu pi na nurmalizzazzioni dâ situazzioni ntô sud-libbanu. Si gràpunu serî spiranzi di paci.
Lecci: Cuntinua nta tuttu lu salentu la notti dâ taranta.

22 di austu, martidìa

Canali di Sicilia: Cuntìnunu d'arrivari barchi di clandistini a Lampidusa e puru a Pantillirìa. Circa 1000 nti l'ùrtima simana ô ritmu di 200 ô jornu. Ntantu si cèrcunu li dispersi di vènniri passatu quannu â vista di na navi di sarvataggiu di l'auturità italiani diversi dicini di pirsuni tummaru n mari.
Ucraina: Tummàu n'aèriu russu, partutu dû Mari Nìuru e direttu a San Pietruburgu: 170 vìttimi.
Teheran: Lu cuvernu iranianu annuncia di vuliri na discussioni a prupòsitu dû programma pi l'arricchimentu di l'uraniu.

24 di austu, veniriddìa

Praga, Ripùbblica Ceca: L'Unioni Astrunòmica Ntirnazziunali vota pi ridifiniri lu tèrmini «pianeta», addicchiarannu Plutoni comu nu «pianeta nanu». Lu sistema sulari arresta ora cu ottu pianeti.

27 di austu, duminicadìa

Turchia: Pi n'erruri stratèggicu duranti na sosta ê box, Fernando Alonso agghica ô traguardu davanzi a Michael Schumacher, varagnannu accussì du punti ntâ cursa ô titulu di campiuni di Formula 1. La Ferrari, câ vittoria di Felipe Massa, s'abbicina â Renault, ntâ classifica â squatri.

30 di austu, mercuridìa