E' calatu dô vapuri
Di Wikipedia, l'enciclopedìa lìbbira.
Si dici “è calatu dô vapuri” pi nnicari nà pirsuna spruvviduta, ngènua, ca cridi a tuttu chiddu ca si dici, ca si pò truffari cu facilitati.
Lu "vapuri" (o "papuri"), ntâ parrata catanisa, è na navi a vapuri.
Un cristanu ca “cala dô vapuri”, è na pirsuna ca scinni 'n terra di lu vapuri, ca sbarca di la navi.
Cu “cala dô vapuri” e sbarca nta na citati nova, essennu furasteri, nun canusci nenti: nun canusci li loghi e li cristiani.
A Catania, ntô passatu, tanti fìmmini ca asercitàvanu la prufissiuni di prustituti, si maritaru, canciannu vita, cu marinari furasteri ca avìanu “calatu dô vapuri”.
