Kunsertu
Di Wikipedia, l'enciclopedìa lìbbira.
Li Kunsertu sunnu nu gruppu musicali sicilianu ca nasci nta l'annu 1979. Lu loru gèniri musicali, di iddi difinutu comu "sbrong", è nnâ rialità nu miscugghiu di rock, world music, funk, etnorock, pop. Sunnu un gruppu famusu suprattuttu pì la canzuna Mokarta ma la granni apirtura di linguaggiu musicali dû travagghiu dî "Kunsertu" veni dâ prisenza ntô gruppu dâ vuci di Faisal Taher, cantanti palistinisi troppu mpurtanti pû gruppu. La miscela di ritmi uccidentali e meludìi urientali, di sicilianu e palistinisi, di rock e cantu àrabbu, fannu nèsciri na mùsica ùnica pâ quali la crìtica si sfurzau nutilmenti di parrari di etnorock, etnofunk, tribal-dance, circannu di continiri intra na definizzioni lu stili di stu gruppu.
Cumpunenti dû gruppu
- Pippo Barrile (vuci)
- Roberto De Domenico (pircussioni)
- Giacomo Farina (pircussioni e organettu)
- Stefano Foresta (ciati e tasteri)
- Vincenzo Ganci (bassu)
- Nello Mastroeni (chitarri)
- Faisal Taher (vuci àrabba)
- Franco Barresi (battirìa)
- Tino Finocchiaro (tasteri).
Discugrafìa
- 1994 - Fannan
- 1992 - Zambra
- 1989 - Shams
- 1984 - Kunsertu
