Missina
Di Wikipedia, l'enciclopedìa lìbbira.
| Missina | |
 |
|
| Muttu: | |
| Nomu ufficiali: | Messina |
|---|---|
| Pruvincia: | Missina (ME) |
| Superfici: | 211 km² |
| Abbitanti: | 248.616 |
| Dinzitati: | 1.178 ab./km² |
| Cumuni cunfinanti: | Fiumedinisi, Itala, Monforte San Giorgio, Rometta, Saponara, Scaletta Zanclea, Villafranca Tirrena |
| CAP: | 98100 |
| Prifissu telefònicu: | +090 |
Missina, 248.616 abbitanti (cinzimentu 2004) chi sunnu chiamati missinisi. È la terza cità cchiù granni dâ Sicilia e lu capulocu di l'omònima pruvincia. Si trova vicinu a Capu Piloru, l'estremità Nord-Est dâ Sicilia. Lu strittu di Missina la sipara dâ Calabbria e lu cuntinenti.
Ìndici |
Storia
Funnata dî Greci di Calcidi nta l'Eubea nta l'VIII sèculu a.C., si chiamava origginarmenti Zancle (fauci) pâ forma dû sô portu naturali, lu cchiù granni dâ Sicilia. Oggi Scaletta Zanclea, un paisi vicinu, porta ancora lu nomu ca nni veni di l'èpuca antica.
La cità fu misa a saccu dî Cartagginisi ntô 396 a.C. e fu cunquistata dî Romani ntô 264 a.C.. Ntô Medioevu fu la cità cchiù 'mpurtanti dâ Sicilia e capitali, cu Palermu, di l'Ìsula, finu ô 1674-78, quannu si ribbillò â Spagna e fu duramenti castiata. Missina fu distrutta quasi cumpretamenti dûn tirrimotu chi causò nu tsunami la matina dû 28 di dicèmmiru dû 1908, ammazzannu chiossai di 75.000 pirsuni.
Ntô 1955, Missina fu lu postu scigghiutu pi na cunfirenza dî ministri di l'èstiru di l'Europa occidintali ca purtò a la criazzioni dû Cumunitati Ecunomica Europea.
Àutri cità e posti ntirissanti ntâ pruvincia sunnu Barcellona Pozzo di Gotto, Milazzo, l'ìsuli Eolie, (Lipari), Tindari, Taormina, Giardini Naxos, Santu Stefanu di Camastra e Capu d'Orlandu. Tutta la pruvincia cunteni 108 comuni.
Monumenti e chiesi
A Missina, nonostanti li tanti tirrimoti e guerri, ci sunnu ancora tanti monumenti antichi e chiesi, comu:
- lu "Duomu" o "Matrici" (1197)
- la chiesa di l'Annunziata dî Catalani (piriudu nurmannu)
- li funtani di Uriuni e di Nettunu di Giuvanni Anciulu Montorsoli ('500)
- lu Municipiu, custruitu di l'architettu Antoniu Zanca
- lu Palazzu di Giustizzia di Marcellu Piacentini
- la culonna (60 metri) dâ Madunnuzza ô Portu, custruita supra ô Forti San Sabbaturi
- la chiesa di Cristu Re
- la chiesa di Santa Eustochia, gran Santa missinisa
- lu forti Gunzaga
- la Gallarìa Vittoriu Emanueli
- lu Tiatru Vittoriu Emanueli
e tanti àutri.
Pirsunaggi cèlibbri
- Antonellu di Missina, giniali pitturi dû Rinascimentu, lu primu a usari la pittura a ogghiu 'n Sicilia e in Italia, nascìu a Missina ntô 1430.
- Michilànciulu Floriu Crollalanza, chi tanti 'ndizzî fannu idintificari cu William Shakespeare.
- Fulippu Juvara, architettu, chi Amideu di Savoia, re di Sicilia, si purtò a Turinu, unni custruìu la Basìlica di Superga e fu esponenti di l'èbbica Barrocca, nascìu a Missina ntô 1678.
