Muòrica
Di Wikipedia, l'enciclopedìa lìbbira.
| Muòrica | |
 |
|
| Muttu: | |
| Nomu ufficiali: | Modica |
|---|---|
| Pruvincia: | Rausa (RG) |
| Superfici: | 290,77 km² |
| Abbitanti: | 53.695 |
| Dinzitati: | 180 ab./km² |
| Cumuni cunfinanti: | Buscemi (SR), Giarratana, Spaccafurnu, Nuotu (SR), Palazzolu Acreidi (SR), Puzzaddu, Rausa, Rusalini (SR), Scicli |
| CAP: | 97015 |
| Prifissu telefònicu: | +0932 |
Cità di quasi 54.000 abbitanti dâ provincia di Rausa, Muòrica è una dî cità chi ha statu silizziunata comu patrimoniu munniali di l'Unesco pi lu baroccu di l'architittura, di cui asempi rapprisintativi sunnu, tra l'àutri cosi, la Chiesia di S. Giorgiu, a Muòrica àuta, òpira di l'architettu Franciscu Pàulu Làbisi , e la Chiesia di S. Pietru a Muòrica vascia.
Lu tirritoriu mudicanu si stenni nzinu a mari, unni si trova la frazzioni di Marina di Muòrica, tranquilla lucalità di villiggiatura, a vinti chilòmitri dâ cità.
Storia
Citata di Ciciruni ntâ càusa contra lu malu cuvernu di Verri, Muòrica fu àrabba a pàrtiri dû 844-845, e appoi Nurmanna. A pàrtiri dû 1296, la cità fu a capu di na cuntèa, lu cui tirritoriu cumprinnìa un terzu dâ Sicilia, di cui facìanu parti macari Alcamu, Caccamu, e Calatafimi, agghicannu a nu certu pirìudu nzinu ê Ggherbi, isuleddi ô sud dâ costa tunisina.
Tradizzioni
La cità eni canusciuta puru pi lu cioccolattu murucanu (cioccolattu mudicanu), nu tipu di cioccolattu fattu secunnu na ricetta basata supra l'usu d'aromi naturali spiciali, comu lu pipiruncinu, la cannedda e la vaniglia, priparatu a friddu.
Nna l'ùrtimi anni l'amministrazzioni lucali e arcuni cuopirativi pâ prumuzzioni turìstica hannu ripurtatu 'n vita tanti tradizzioni antichi di Muòrica; la prima, innanzituttu, eni "A Giostra re Ciaramunti" (veni chiamata "U Paliu") c'havi orìggini a li nizzi dû sèculu XIV pi òpira dû Cunti Manfredi Ciaramunti quannu si trasfirìu nnâ capitali dâ cuntìa nzèmula â sò mugghieri Isabella Mosca. La giostra cunzisti nta nu circùitu uvali ca li cavaleri a turnu hannu a pircùrriri supirannu provi e ostàculi; ogni cuntrata di Muòrica prisenta lu sò cavaleri.
Murucani cèlibbri
- Tommasu Campailla, poeta, filòsufu e scienziatu.
- Salvaturi Quasimodo, poeta, e premiu Nobel pi la littiratura.
