Nucija (LE)
Di Wikipedia, l'enciclopedìa lìbbira.
| Nucija | |
 |
|
| Nomu ufficiali: | Nociglia |
|---|---|
| Riggiuni: | Pugghia |
| Pruvincia: | Lecci (LE) |
| Aria: | 10 km² |
| Abbitanti: | 2.659 |
| Dinsità: | 266 ab./km² |
| Cumuni cunfinanti: | Muntisanu, Pusciardu, San Cassianu, Supersanu, Suranu |
| CAP: | 73020 |
| Prifissu telefònicu: | +0836 |
Nucija è nu paisi salentinu di la pruvincia di Lecci, a 10 km di Maje e 45 di Lecci, nun luntanu di la costa addriàtica (Castru, Marìttima e Ndranu). Stà supra na serra di 109 m supra lu liveddu dû mari.
Ìndici |
[cancia] Stemma
Lu stemma è n'àrbulu di nuci cu di costi nu gigghiu jancu (di tanti ca èrinu sti chianti, ca dìcinu vinni accussì chiamatu lu paisi).
[cancia] Orìggini
Li orìggini dû paisi sù scuri, ma senza dubbiu ci ntràsinu cu lu granni voscu ca si spannìa di lu paisi finu a Supersanu (lu voscu Belvedere), unni li cristiani facìanu cravuni (e chiddi di Nucija sù 'itti 'ncora moi cravunari pi stu fattu). A lu crìsciri dû paisi, fu fatta prima na turri de guardia e poi nu casteddu, ca passau di vari famigghi, finu a spicciari 'n manu a li Prìncipi di Tricasi, li Gallone, ca lu tìnniru cu tuttu lu fèudu di lu XVII finca a lu XIX sèculu. A l'Unità d'Italia Nucija divinni cumuni, e tinìa comu frazzioni puru Suranu, Vitrugna e San Cassianu (ca si stacca na pid'una ntra l'anni succissivi). Lu primu sìnnicu di la Ripùbbrica (1946-1960) fu Micheli Petracca (1908-1999).
[cancia] Monumenta
Nucija teni nu palazzu barunali (lu casteddu) cu na turri dû '300. La Chesia matri (San Nicola) fu fatta nveci a mità dû sèculu diciannuvèsimu, mentri sunnu assai cchiù vecchi dî àutri cappelli: chidda di la Cungreca (di la Madonna Assunta, ca è di la cungreca omònima nata a lu 1781) e chidda (ntichìssima) di la Madonna Coelimanna (aru si cchiàra pitturi basiliani).
A supra la chiazza stavi na culonna cu la stàtua di Sant'Antoniu, ca è lu prutitturi e ca si fisteggia dui voti l'annu (a giugnu e a agustu quannu c'eni la festa grossa). Àutri festi sù chiddi di San Giuseppi (pi cui si faci la tàula tradizziunali), di la Madonna di l'Idri, di li Santi Mèdici e di San Luiggi. Si fannu puru purgissioni pi lu Sacru Cori, pi la Madonna Assunta e pi la Madonna dû Carmini. Rispettu di l'àutri paisi, a Nucija la purgissioni di lu Cristu Mortu si faci lu sàbbatu la mmane 'n prima. Lu jornu di Pascaredda li cristiani di Nucija vannu a nu fore rittu Pusciardu, 'ittu Facece, aru 'nc' ete na cappedda di la Madonna di l'Ànciuli. A ddà banna si dici Missa e si fàcinu scampagnati.
[cancia] Pirsunaggi famusi
Ntra li pirsunaggi famusi, si ricòrdanu:
- Pascali Ruggieri (unu di li ncigneri ca fici lu ponti girèvuli di Tàrantu)
- Arcipreti don Domènicu Marzotta (ca fici fari la chesia)
- On. Giacintu Ursu (ancora viventi), diputatu e difinzuri cìvicu di la Pruvincia di Lecci
- Lu sìnnicu attuali si chiama Giuseppe (Pippi) Fracasso.
- Lu pàrrucu eni Don Pinu Pedone
Lu cumuni faci parti di l'Unione delle Comuni di li Terri di Menzu (cu Sciuvaneddu, Sanarica, Vitrugna, Sancassianu e Suranu)
[cancia] Liami nterni
 |
Purtali di lu Salentu – Jiti a l'artìculi di Wikipedia supra lu Salentu. |
