Tinturia
Di Wikipedia, l'enciclopedìa lìbbira.
Li Tinturia sunu nu gruppu musicali sicilianu. Lu loru gèniri musicali, di iddi difinutu comu "sbrong", è nnâ rialtà nu miscugghiu di pop, rock, folk, ska, funk, rap e reggae.
Lu gruppu vidi la luci nnô 1996 ntê banni di Raffadali, un paisi nta l'entruterra girgintinu. Lu loru leader, in vesti di cantanti, e uccasiunarmenti di diamunicista, è Lello Analfino. Lu loru isordiu discugràficu abbinni nnô 1999 ccû nu discu dû tìtulu Abusivi (di necessità), ca uttinni in picca tempu nu cunsidirèvuli successu nta tutta la Sicilia, sebbeni arresta circuscrittu nta l'ìsula, prubabirmenti a causa dû usu dû sicilianu comu lingua ntê testi. Lu discu ncludi macari na cover di Domenico Modugno, dû tìtulu "La donna riccia", cu lu testu riadattatu e traduciutu in sicilianu.
Nnô 2002, pùbblicanu la culonna sunora dû film Nati stanchi di Ficarra e Picone, grazzî a chistu accumìncianu a fàrisi canùsciri oltri lu strettu. É nveci dû 2005 lu novu album, dû tìtulu Nessuno è perfetto, unni li Tinturia càntanu principalmenti in italianu e s'avvicìnanu nutivulmenti a nu stili musicali tipicamenti rock.
[cancia] Cumpunenti attuali
- Lello Analfino: vuci e diamunica
- Savio Nocera: chitarra e flautu (tipicamenti ntô studiu)
- Giovanni Buzzurro: bassu elèttricu
- Osvaldo Lo Iacono: chitarra
- Lino Costa: chitarra (www.myspace.com/linocosta)
- Angelo Spataro: battirìa
- Mario Vasile: pircussioni
[cancia] Discugrafia
- 1998 - Tinturia
- 1999 - Abusivi (di necessità)
- 2002 - Nati stanchi (culonna sunora)
- 2005 - Nessuno è perfetto (per fortuna)
