Uraganu
Di Wikipedia, l'enciclopedìa lìbbira.
Un uraganu (o cicluni) è nu finòminu attimusfèricu carattirizzatu di venta e chiuvuta di na forza assai cchiù forti dâ norma. La forza di n'uraganu veni principalmenti di l'energia sulari chi duranti li jorna chi pricèdunu la furmazzioni di n'uraganu, alimèntunu na furmazzioni attimusfèrica di tipu vurticusu, cu furmazzioni di mulinelli sempri cchiù granni e ccu venta chi ponnu arrivari a 300 kilomitri all'ura. Sti furmazzioni si alimèntunu ntê zoni equaturiali dâ Terra, ma si spòstanu e ponnu agghicari ntê zoni abbitati dâ Merica cintrali e sittintriunali, pi l'uragani chi si fòrmunu nta l'Oceanu Atlanticu, o nta l'estremu orienti pi chiddi ca si fòrmunu ntâ l'Oceanu Pacificu.
