Final Fantasy XI
Nga Wikipedia, Enciklopedia e Lirë
Final Fantasy XI (Fantazia e Fundit 11 - ファイナルファンタジーXI - Fainaru Fantajī Irebun) ose e njohur ndryshe si Final Fantasy XI: Online dhe thjeshtë Final Fantasy Online është një lojë RPG e krijuar nga Square Enix si vazhdimsia e serive Final Fantasy. Kjo lojë mund të luhet vetëm online dhe kuptohet që shumë lojtarë mund të luajnë në të njëjtën kohë me anë të internetit në të gjithë globin.
Premiera u shfaq në Japoni për konzolën e Sonit, PlayStation 2 më 16 maj 2002. Në të njëjtin vit, do të kishte edhe një lëshim për kompjuterat Microsoft Windows më 5 nëntor. Akoma më vonë, publikimi i saj do të bëhej i mundur edhe në Amerikën Veriore më 28 tetor 2003. Në prrill të 2006, publikimi internacional për konzolën Xbox 360, do të ndiqte publikimet e mëparshme duke bërë të mundur që të gjithë adhuruesit të mund të luanin në të gjithë globin.
Historia zhvillohet në Vana'diel. Në këtë botë, lojtarët mund të gjejnë vënde të ndryshme për të forcuar karakteret e tyre. Forcimi i karaktereve mund të bëhet i mundur thjeshtë duke shëtitur “lartë e poshtë” nëpër Vana'diel ose duke përfunduar misione të shumta që caktohen nga loja.
Mendohet se loja ka pasur sukses ndërmjet lojtarëve online. Square Enix do të deklaronte në janar të 2004, se kishte më shumë se 500 000 lojtarë aktivë që luanin me më shumë se 900 000 karaktere. Në 2006, mendohet se çdo ditë, afërsisht 250 000 kojtarë aktivë luajnë lojën Final Fantasy XI. Si dhoji MMORPG, Final Fantasy XI është nga lojërat më të luajtura online në tregun japonez. Me kalimin e kohës ajo është modifikuar tre herë. Këto modifikime përfshijnë zgjerimin e lojës si edhe modifikime të tjera. Square Enix ka deklaruar se momentalisht numri i lojtarëve është në rritje konstante dhe se në të ardhmen pritet të ketë më shumë lojtarë.
[redaktoni] Shiko edhe
Final Fantasy: I — II — III — IV — V — VI — VII — VIII — IX — X — X-2 — XI — XII — XIII
Personazhe: Aerith Gainsborough — Lulu — Rikku — Tidus — Tifa Lockhart — Yuna
Filma dhe seriale: The Spirits Within — Last Order — Advent Children — Unlimited — Legend of the Crystals
