அப்பாச்சி இணைய வழங்கி
கட்டற்ற கலைக்களஞ்சியமான விக்கிபீடியாவில் இருந்து.
 Apache HTTP Server |
|
|---|---|
| பராமரிப்பாளர்: | அப்பாச்சி சாப்ட்வேர் பவுண்டேசன் |
| பிந்திய பதிப்பு: | 1.3.37 / [ஜூலை 28]], 2006 2.0.59 / ஜூலை 28, 2006 2.2.3 / ஜூலை 28, 2006 |
| இயங்கு தளம்: | Cross-platform |
| வகை: | Web server |
| உரிமை: | Apache License |
| http://httpd.apache.org/ | |
அப்பாச்சி இணைய வழங்கி (Apache HTTP Server) இலவசமான திறந்த மூலநிரலில் உருவாக்கப் பட்ட ஓர் இணைய வழங்கி மென்பொருளாகும். இது யுனிக்ஸ் சார்ந்த இயங்குதளங்கள் (லினக்ஸ் உட்பட), விண்டோஸ், நாவல் நெட்வெயார் போன்ற இயங்குதளங்களில் இயங்கக் கூடியது. அப்பாச்சி இணைய வழங்கியானது ஆரம்பத்தில் உலகளாவிய வலையமைப்பின் வளர்ச்சிக்குதவியதுடன் இன்றளவும் உலகில் மிக அதிகமாகப் பாவிக்கப்படும் இணைய வழங்கி மென்பொருளாக உள்ளது. அத்துடன் இதுவே மற்றை இணைய வழங்கி மென்பொருட்களிற்கு மாதிரியாகத் திகழ்கின்றது.
அப்பாச்சி மென்பொருட்களானது திறந்த மூலநிரலாக்கர்களால் விருத்தி செய்யப் படுகின்றது.
[தொகு] வரலாறு
ஆரம்பத்தில் வெளிவந்தபோது இது நெட்ஸ்கேப்பின் இணைய வழங்கியின் (இன்றைய சண் ஜாவா சிஸ்டம் இணைய வழங்கி) அன்றிலிருந்து ஏனைய யுனிக்ஸ் இயங்குதளத்தின் போட்டியாளராக விளங்கத் தொடங்கி ஏப்ரல் 1996 இல் உலகில் மிகப் பிரபலமான இணைய வழங்கி மென்பொருளாக மாற்றமடைந்தது. மே, 1999 இல் 57% மான இணையத்தளங்கள் அப்பாச்சியினையே பாவித்தன. பெப்ரவரி 2006 இல் 68% வீதமான இணையத்தளங்கள் அப்பாச்சியினையே பாவித்தன.
[தொகு] பயன்பாடு
உலகளாவிய வலையின் நிலையான மற்றும் மாறுகின்ற உள்ளடக்கங்களைக் காண்பிப்பதற்காக வசதிகள் அப்பாச்சி இணைய வழங்கியில் இருந்து எதிர்பார்க்கப் படுகின்றது.
LAMP என ஆங்கிலத்தில் அழைக்கபடும் பிரபலான Linux லினக்ஸ் Apache அப்பாச்சி, MySQL, PHP இது முக்கியமான ஒன்றாகும்.
அப்பாச்சி இணைய வழங்கியானது வேறு மென்பொருட்களுடனும் விநியோகிக்கப் படுகின்றது. எடுத்துக் காட்டாக ஆரக்கிள் தகவற்தளம், IBM வெப்ஸ்பியர் பிரயோக வழங்கி, ஆப்பிள் கணினிகளின் மக்ஓஸ் X உடனும் ஒருங்கிணைக்கப் பட்டுள்ளது. இது தவிர போர்லாண்ட் மென்பொருட்களான டெல்பி மற்றும் லினக்ஸ்ஸிற்கான் கைலிக்ஸ்சும் அப்பாச்சியை ஆதரிக்கின்றன.
அப்பாச்சி கோப்பொன்றை பாதுகாப்பாக இணையமூடாகப் பகிர்வதற்காக வசதிகளை வழங்குகின்றது. எடுத்துக் காட்டாக பயனர் ஒருவர் அப்பாச்சியின் மூலக் கோப்புறைப் பக்கத்தில் (root) கோப்பொன்றை போட்டு அதைப் பகிர முடியும்.
இணயப் பக்கங்களை விருத்திசெய்யும் நிரலாக்கர்கள் தமது கணினிகளில் அப்பாச்சி இணைய வழங்கியை நிறுவிப் பரீட்சிப்பது வழமை.
