கறுப்புப் பெட்டி
கட்டற்ற கலைக்களஞ்சியமான விக்கிபீடியாவில் இருந்து.
கறுப்புப் பெட்டி (Black box) விமானத்தினுள் தகவல் சேமிக்கப் பயன்படும் ஒரு தொழில்நுட்பக் கருவியாகும். விமானம் விபத்திற்குள்ளாகும் போது அது தொடர்பான காரணங்களை அறிவதற்கு/ஆராய்வதற்கு இக்கருவி பெரிதும் உதவும். இது செம்மஞ்சள் நிறத்தில் இரண்டு விதமாகக் காணப்படும். அவை C.V.R மற்றும் F.D.R ஆகும். விமானத்தின் சேதம் குறைவான பின்பகுதியில் இவை பொருத்தப்பட்டிருக்கும்.
[தொகு] கறுப்புப் பெட்டியின் தன்மை
- செம்மஞ்சள் நிறத்தில்(orange) காணப்படும்.
- தீயினில்/உயர் வெப்பநிலை என்பவற்றால் எரிந்து சேதமுறாது.
- உவர் நீரில் ஊறினாலும் பாதிப்படையாது.
- கடலுக்குள் மூழ்கினாலும் மூன்று மாதங்களுக்குப் பழுதடையாது.
- ஆகாயத்தில் இருந்து வீழ்ந்தாலும் உடையாது.
- எங்கு வீழ்ந்தாலும் அவ்விடத்தில் இருந்து தகவல் அனுப்பிக் கொண்டிருக்கும்.
- வெளிப்புற, உட்புற தாக்கத்தினாலும் சேதமடையாதவாறு பெட்டியும் தகவல் சேமிப்பு நாடாவும் பாதுகாக்கப்படுகின்றன.
[தொகு] கறுப்புப் பெட்டியில் சேமிக்கப்படும் தகவல்கள்
கறுப்புப் பெட்டியின் ஒரு பகுதியான C.V.R (Cockpit Voice Rocorder), விமானஒட்டி அறையில் நிகழும் உரையாடல்களை பதிவு செய்யும். கறுப்புப் பெட்டியின் மற்றைய பகுதியான F.D.R (Flight Data Recorder), விமானத்தின் வேகம், பறக்கும் உயரம், திசை, காலநிலை தகவல் முதலிய விமானத்தின் தொழில்நுட்பத் தகவல்களை பதிவு செய்யும்.
