பன்றி
கட்டற்ற கலைக்களஞ்சியமான விக்கிபீடியாவில் இருந்து.
பன்றி பாலூட்டி இனத்தைச் சேர்ந்த ஒரு விலங்கு ஆகும். பன்றிகள் அனைத்துண்ணிகள் ஆகும். பன்றிகள் அவற்றின் இறைச்சிக்காகவும், தோலுக்காகவும் பல நாடுகளில் வீட்டு விலங்காக வளர்க்கப் படுகின்றன. இவற்றின் முடி பொதுவாக பிரஷ் (Brush) செய்யப் பயன்படுகின்றன.
பன்றிகளுக்கு தகுந்த வியர்வை சுரப்பிகள் இல்லாத காரணத்தால் அவை நீரில் இருப்பதன் மூலமோ அல்லது சேற்றைப் பூசிக்கொள்வதன் மூலமோ தங்கள் உடம்பைக் குளிர்வித்துக் கொள்கின்றன. மேலும் இந்த சேற்றுப் பூச்சானது சூரிய வெப்பம் மற்றும் பூச்சிகளிடம் இருந்து காத்துக்கொள்ளவும் உதவுகிறது.
[தொகு] செல்லப் பிராணி
பன்றிகள் அறிவுக்கூர்மை உள்ள விலங்குகளாகக் கருதப்படுகின்றன. நாய், பூனைகளை விட இவற்றை எளிதில் பழக்க முடியும். எனவே இவற்றை செல்லப் பிராணிகளாகவும் மக்கள் வளர்க்கின்றனர்.
