కల్పనాయునిచెరువు
వికీపీడియా నుండి
కల్పనాయునిచెరువు, కడప జిల్లా, రామాపురం మండలానికి చెందిన గ్రామము. కల్పనాయుని చెరువు కడప - రాయచోటి మార్గమునకు సుమారుగ నాలుగు కిలోమీటర్ల దూరమున పడమర గా నీలకంఠరావుపేట - లక్కిరెడ్డిపల్లె రహదారి మీద గలదు.
ఇది రామాపురం మండలం లో ఒక చిన్న పంచాయతి. ఈ గ్రామము ను వ్యావహారికము లో అగ్రహారము అని పిలుస్తారు. పూర్వము దీనికి అధిక ప్రతాపదేవరాయపురం అనే పేరు కూడా ఉండేది[1].
ఈ పంచాయతి కింద నాలుగు గ్రామములు ఉన్నవి. అవి
- హరిజన వాడ
- గాండ్లపల్లె
- మూలపల్లె
- మూగిరెడ్డిగారిపల్లె
ఈ ఊరికి కల్పనాయునిచెరువు అను పేరు పక్కనే ఉన్న చెరువు పేరు నుండి వచ్చినది. స్తానికులు ఈ చెరువును కల్పనాయుడు అను వ్యక్తి త్రవ్వించాడు అని చెబుతారు. ఈ చెరువు గట్టు పై ఒక పురాతన శివాలయం గలదు.
వ్యావహారికములోఅగ్రహారము అని పిలువబడుటకు ఒక కారణము ఉన్నది. ప్రస్తుతము ఉన్న ఊరికి ప్రక్కనే పూర్వము ఒక ఊరు ఉండేది, దాని పేరు అగ్రహారము, దానిలో అందరూ బ్రాహ్మణులే ఉండేవారు. అయితే ఏ కారణం వల్లనో (కలరా అంటారు) అందరూ ఊరు విడిచి పారిపోయారు. ఆయినా కాలక్రమంలో తర్వాత ఏర్పడిన ప్రస్తుతమున్న ఊరిని కూడా అదే పేరుతో పిలుస్తున్నారు
[మార్చు] మూలాలు
- ↑ కడప శిలాశానములు వగయరా - ఆచార్య ఎన్.వెంకటరమణయ్య పేజీ.571
