కుమార శతకము

వికీపీడియా నుండి

ఉదాహరణలు:

శ్రీ భామినీ మనోహరు

సౌభాగ్య దయా స్వభావు సారసనాభున్

లో భావించెద; నీకున్

వైభవము లొసగుచుండ, వసుధగుమారా!

శ్రీ లక్ష్మీ మనోహరుడు, సౌభాగ్యదాత, కరుణామయుడు, పద్మనాభుడు అగు శ్రీ మహావిష్ణువు నీకు భుమిపై సకల వైభవములొసగమని పూజింతును.

ధరణీ నాయకు రాణియు

గురు రాణియు నన్నరాణి కులకాంతను గ

న్న రమణి దనుగన్నదియును

ధరనేవురు తల్లులనుచు దలుపు కుమారా!

రాజుగారి భార్య, గురువుగారి భార్య, అన్నగారి భార్య, భార్యను కన్న తల్లి, తనను కన్న తల్లి - ఈ అయిదుగురిని తల్లులుగా భావింప వలెను.

జగడంబులాడు చోటను

మగువలు వసియించు చోట మదగజము దరిన్

పగతుండు తిరుగు చోటను

మగుడి చనగవలయును జలము మాని కుమారా!

పోట్లాటలు జరిగో చోటును, స్త్రీలు నివసించే ప్రదేశమును, మదించిన ఏనుగు దగ్గర, శత్రవు ఉండే చోటును వెంటనే వదిలి వెళ్ళుట మంచిది.

పెక్కు జనుల నిద్రింపగ

నొక్కెండయ్యెడను నిద్రనొందక యున్నన్

గ్రక్కున నుపద్రవంబగు

నక్కర్మమునందు జొరకుమయ్య కుమారా!

అందరూ నిద్రిస్తూ ఉండగా ఒక్కడే మెలకువగా ఉందవలసి వచ్చినదంటే అక్కడేదో ప్రమాదం జరగనున్నట్లే. అటువంటి పని జోలికి నీవు వెళ్ళవద్దు. (దొంగ పని గాని, కాపలా దారు పని గాని అపాయంతో కూడినవి)

అవయవ హీనుని, సౌంద

ర్య విహీను, దరిద్రు, విద్యరాని యతని సం

స్తవనీయు, దేవు, శ్రుతులనహ

భువి నిందింప దగదండ్రు బుధులు కుమారా!

వికలాంగుని, అనాకారిని, పేదవానిని, చదువురానివాడిని, గౌరవింపదగినవానిని, దేవుడిని, వేదములను నిందింపరాదని పండితులు అందురు.

   చేయకుము కాని కార్యము
       పాయకుము మఱిన్ శుభంబవని బోజనమున్
       జేయకుము రిపు గృహంబున
      గూయకు మొరుమనసు నొచ్చుగాత కుమారా!

శతకములు

బొమ్మ:Satakamu.png

Retrieved from "http://te.wikipedia.org../../../%E0%B0%95/%E0%B1%81/%E0%B0%AE/%E0%B0%95%E0%B1%81%E0%B0%AE%E0%B0%BE%E0%B0%B0_%E0%B0%B6%E0%B0%A4%E0%B0%95%E0%B0%AE%E0%B1%81.html"

వర్గం: శతకములు

కుమార శతకము

వికీపీడియా నుండి

Views

మార్గదర్శకము

అన్వేషణ