జోల పాటలు

చిన్న పిల్లలని నిద్రపుచ్చడానికి వారి తల్లులు పాడే పాటలే జోల పాటలు.

[మార్చు] జో అచ్యుతానంద

జో అచ్యుతానంద జోజో ముకుందా

రార పరమానంద రామ గోవిందా..జో జో

తొలుత బ్రహ్మాండంబు తొట్టి గావించీ

నాలుగూ వేదాల గొలుసులమరించీ

బలువైన ఫణిరాజు పానుపమరించీ

చెలుల డోలికలలొన చేర్చి లాలించీ..జో జో

ముల్లోకములనేలు ముమ్మూర్తులారా

అడ్డాలలో నేడు బిడ్డలైనారా

ఏ జన్మలో నోములే నోచినానో

ఈ జన్మలో నాకు బిడ్డలైనారూ..జో జో

ఉళుళుళు హాయీ ఆపదలు గాయీ

చిన్నవాళ్ళను గాయీ శ్రీవెంకటేశా..ఉళుళుళు

చిలకల్లు చెలరేగి జీడి కొమ్మెక్కు

అబ్బాయి చెలరేగి మామ భుజమెక్కు

మామ భుజమెక్కి ఏమేమి అడుగు?

పాల్ త్రాగు గిన్నడుగు పాడావునడుగు ..ఉళుళుళు

ఆడితే పాడితే అవ్వలకు ముద్దు

చప్పట్లు తట్టితే తాతలకు ముద్దు

చిట్టి ముత్యము పుట్టె సీత కడుపునా

స్వాతి వానలు కురిసె సంద్రాల మధ్య..ఉళుళుళు

అందరి మామల్లు చందమామల్లు

అబ్బాయి మామల్లు రామలక్ష్మణులు

బూచివాడా రార బుట్టల్లుకోరా

బుట్టలో బాబును పట్టుకొని పోరా

నిద్రకు వెయ్యేండ్లు నీకు వెయ్యేంఢ్లు

నీతోటి బాలురకు నిండు వెయ్యేండ్లు..ఉళుళుళు