ఫ్లూ
వికీపీడియా నుండి
విషయ సూచిక |
[మార్చు] ఫ్లూ లేక ఇన్‌ఫ్లుయోంజా
ఇది ఒక వైరస్ వల్ల కలిగే జబ్బు . దీనివల్ల ప్రాణ హాని కలుగదు కాని రకరకాల వ్యాధులకు ఇది దారి తీయవచ్చు. ఇది పూర్తిగా అంటువ్యాధి. ఇన్‌ఫ్లుయోంజా క్రిములు శరీరంలోకి ప్రవేశించి రెండు మూడు రోజులలోనే అపరిమితంగా వృద్ధిపొందుతాయి. ఆ క్రిములు వెలిగ్రక్కే విషం శరీరంలో హెచ్చు తుంది. అందువల్ల శరీరావయవాలన్నీ క్రుంగిపోతాయి. అవయవాలలో ఏర్పడిన బలహీనతవల్ల ఇదివరకే అక్కడ వాసం చేస్తున్న ఇతర వ్యాధి క్రిములు బలం పుంజుకుంటాయి. ఉదాహరణకు ఒక వ్యక్తి శరీరంలో అంతకు ముందే క్షయ వ్యాధి క్రిములు చేరిఉంటే ఆ వ్యక్తికి క్షయ వ్యాధి రావడం ఖాయం.
[మార్చు] వ్యాధి లక్షణాలు
వ్యాధి క్రిములు శరీరంలో ప్రవేశించిన రెండు, మూడు రోజులలో జ్వరం వస్తుంది. కాళ్ళు చేతులు, గొంతు, రొమ్ము ... శరీరం అంతటా నొప్పులు ఉంటాయి. దగ్గినప్పుడు నొప్పి ఉంటుంది. తలనొప్పి ఎక్కువగా వస్తుంది. దగ్గినప్పుడు కళ్లె తెగిపడదు. నాలుగైదు రోజుల తర్వాత క్రమంగా వ్యాధి తగ్గుముఖం పడుతుంది.
[మార్చు] చికిత్స
పూర్తిగా విశ్రాంతి తీసుకోవాలి. ఒళ్ళు నొప్పులూ, తల నొప్పి తగ్గడానికి వైద్యుని సలహామేరకు మందులువాడలి. శ్వాసనాళాలకు సంబంధించిన వ్యాధి కాబట్టి విటమిన్ సి వాడితే మంచిది. గోరువెచ్చని నీటిలో ఉప్పు కలిపి, ఆ ఉప్పు నీటితో పుక్కిలించవచ్చు. మరుగుతున్న నీటిలో టించర్ అయోడిన్ కలిపి ఆవిరిపట్టడం మంచిది. ఆ ఆవిరిని పీల్చడంవల్ల బాధ తగ్గుతుంది. నీలగిరి తైలం ( యూకలిప్ట్‌స్ ఆయిల్) వాడవచ్చు.
[మార్చు] వ్యాధి నిరోధక మార్గాలు
ఈ వ్యాధితో బాధపడుతున్న రోగి తుమ్మినప్పుడు ఆ రోగక్రిములు గాలిలో ప్రవేశించి ఆ గాలి పీల్చినవాళ్ళందరికీ ఈ వ్యాధి సోకుతుంది. గొంతులోనుంచి, ముక్కులోనుంచి వెలువడే స్రావంలో సూక్ష్మక్రిములు ఎక్కువగా ఉంటాయి. కనుక మాట్లాడేటప్పుడు జేబు రుమాలు నోటికి అడ్డంగా పెట్టుకోవడం చాలా అవసరం. రోగస్థులు ఎక్కడపడితే అక్కడ ముక్కు చీదడం, ఉమ్మివేయడం లాంటి దురలవాట్లు మానుకోవాలి.
