వర్గం:1933 తెలుగు సినిమాలు

వికీపీడియా నుండి

ఈ యేడాది తెలుగు నాట తొలిసారి పోటీ చిత్రాలు రూపొందాయి. ఇంపీరియల్‌ సంస్థ (బొంబాయి), ఈస్ట్‌ ఇండియా సంస్థ (కలకత్తా) ఒకే ఇతివృత్తంతో 'రామదాసు' అనే పేరుతో చెరొక చిత్రాన్ని నిర్మించాయి. అలాగే 'సావిత్రి' పేరుతో రెండు చిత్రాలు పోటీగా రూపొందాయి. వీటిలో ఓ చిత్రాన్ని సి.పుల్లయ్య దర్శకత్వంలో ఈస్ట్‌ ఇండియా సంస్థ, మరో చిత్రాన్ని బి.వి.రామానందం దర్శకత్వంలో కృష్ణా ఫిలిమ్స్‌ కంపెనీ నిర్మించాయి. ఈస్ట్‌ ఇండియా సంస్థ నిర్మించిన 'సావిత్రి', 'రామదాసు' రెండు చిత్రాలూ ప్రజాదరణ చూరగొన్నాయి. ఇదే యేడాది ఆంధ్రదేశంలో తొలి పర్మనెంట్‌ సినిమా థియేటర్‌ను నిర్మించిన పోతిన శ్రీనివాసరావు దర్శకత్వంలో ఈలపాట రఘురామయ్య నటించిన 'పృథ్వీపుత్ర', 'చింతామణి' విడుదలయ్యాయి.