Sarere
From Wikipedia
Sarere i nambasikis de bilong wik.
Long sampela kantri (olsem Amerika na Inglan), wik i stat long Sande, na Sarere i nambaseven de bilong wik, o de bihain tru bilong wik.
Nem Sarere i kam long Tok Inglis Saturday. Bipo bipo tru, dispela i min Saturn’s Day, o de bilong masalai, o got, ol i kolim Saturnus long Tok Latin. Tok Latin, em i tok bilong Roma bipo bipo tru. Saturnus i masalai bilong Roma long dispela taim.
Narapela de bilong wik olgeta i gat tok de insait long en. Tasol Sarere i no gat de insait long en. Ating bikos Sarede i hat liklik bilong autim long maus, nau Sarede i kamap Sarere.
Long planti kantri ol i no wok long Sarere. Sarere i hap bilong wiken, o hap bilong wik i no gat wok. Planti singsing na so ol i mekim long nait sarere, bikos i no gat wok long de bihain, o Sande.
Long sampela kantri bilong Islam, o lotu bilong ol Mahomet (olsem Iran na Afganistan), wik i stat long Sarere, na i pinis long Fraide.
Long Judaisim, o lotu bilong ol Juda, Sabat, o de bilong lotuim, em i stat long Fraide long taim san i pundaun, na i pinis long taim san i pundaun long Sarere.
| Wik |
| Mande | Tunde | Trinde | Fonde | Fraide | Sarere | Sande |
