خاکروب
وکیپیڈیا سے
خاکروب ایسی شخصیت کو کہتے ہیں کہ جو سڑکوں، عمارتوں اور گلی کوچوں کی صفائی کو روزگار حیات بناۓ، اسکے علاوہ ترقی یافتہ ممالک میں خاکروب (sweeper) ؛ شخصیات اور آلات دونوں کے لیۓ استعمال کی جانے والی اصطلاح ہے۔ کسی انسان کی صورت میں اگر اس لفظ کا استعمال کیا جاۓ تو اس سے عموماً مراد یہی ہوتی ہے کہ متعلقہ شخصیت اپنے آپ کو جسمانی طور پر استعمال کرتے ہوۓ یہ کام انجام دیتی ہے اور اگر کسی آلے (مثلا خلائی مطہر) کیلیۓ یہ اصطلاح استعمال کی جاۓ گی تو اس سے مراد یہ ہوگی کہ کوئی شخص اسکے زریعے سے صفائی ستھرائی کا کام انجام دیتا ہے، اور ایسی صورت میں وہ شخص اور آلہ دونوں ہی اس اصطلاح کے دائرہءکار میں آجاتے ہیں۔
ترقی یافتہ ممالک میں یہ روزگار رفتہ رفتہ انسانی ہاتھوں سے نکال کر آلات کے ہاتھوں میں دے دیا گیا ہے۔ اور انسانی عمل دخل براہ راست گندگی اور غلاظت کو چھونے میں کم سے کم کرکہ انسان کو صرف خاکروب آلات کو چلانے کے کام پر مامور کیا جاتا ہے۔
