سنہری اصول
وکیپیڈیا سے
سنہری اصول (Golden Rule) ایک بنیادی اخلاقی اصول ہے جو تمام مذاہب اور معاشروں میں موجود ہے اس کا مفہوم یہ ہے کہ "دوسروں کے ساتھ وہی سلوک کرو جس سلوک کی توقع تم ان سے کرتے ہو"۔ یہ اصول انسانی حقوق کا بنیادی جزو ہے۔ فلسفیوں اور نبیوں نے اسے مختلف انداز میں بیان کیا ہے:
- "دوسروں کو تکلیف نہ دو تاکہ دوسرے بھی تمہیں تکلیف نہ دیں۔"-محمد صلی اللہ علیہ و آلہ و سلم
- "تم نہ بدلہ لو گے، نہ ہی اپنے لوگوں کے بچوں کے خلاف کوئی نفرت اپنے دل میں رکھو گے، تم اپنے ہمساۓ سے محبت کرو گے جیسا کہ تم اپنے آپ سے کرتے ہو"-موسی
- "یہ کام کا اصول ہے، دوسروں کے ساتھ وہ نہ کرو جو تم نہیں چاہتے کہ تمہارے ساتھ بھی کیا جاۓ۔"-مہابھارت
- "جو تمہیں اپنے لیۓ پسند نہیں ہے، وہ دوسروں کے لیۓ نہ چاہو"-کنفیوشس
- "جو تمہارے لیۓ قابل نفرت ہے، وہ دوسروں کے لیۓ نہ چاہو۔"-ہلل
- "دوسروں کے لیۓ وہی کرو جو تم چاہتے ہو کہ دوسرے تمہارے ساتھ کریں۔"-عیسی
