Aiuto:Cosa métare su Wikipedia

Da Wikipedia, ła ençiclopedia libara.

Cosa métare su Wikipedia · Cosa no métare su Wikipedia

Gnente riçerche originałi · Wikipedia non ła xe un dizsionario

Nota disambigua - Se te sì drio zsercar de capire quałi vozsi - e come - łe poda star su Wikipedia par el só contenuto enzsiclopedico, varda Aiuto:Come scrivere una vozse.

- Sporteło informazsion

Nel spírito de Wikipedia, ła wiki-cołaborazsion xe el zsemento esenzsial de tuto el progeto, donca ciò che ga da èsare inserio in sta enzsiclopedia xe senpre na domanda, mai na risposta... Se te vołi, segui el cołegamento par lexere qualcosa sul conzseto de WikiLove.

Par saver cosa metare su Wikipedia saría el caxo de capire, prima de tuto, cosa non metare lexendo la vozse cosa no métare su Wikipedia, tuto ciò che non ghe xe ne ła łista che se trova in qûeła pàxena xe consentio.

Par major s·ciaransza se specifica qûalche punto fondamental su queło che va inte ła Wikipedia:

Material orixinałe, oviamente.
- Se intende, co questo, che no pode èsare "incołà" in Wiki material "copià" da altre fonti. Ecezsion: se el material xe de pubblico dominio, no xe coverto da copyright (dirito de autore), i autori del material orixinal espresamente i ga dà autorixazsion ad usar 'sto material inte ła Wikipedia. A 'sti fini, no ghe xe difarenzse de sesto fra testo, imagini, grafica, file multimediałi, programi, ecc.
- Material prexo da altre fonti: ad exenpio, sul sito inglexe i ga inserio Foldoc, un dizsionario de informatica de publico dominio. Se existe cose símiłi in vèneto i va ben sicuro, e ve preghemo de fàrnełi védar.

Traduzsion da łe paxène inglexi o in altre lengue che ghe xe inte ła Wikipedia? Sì, sicuro, cusì come da łe altre version de Wikipedia in altre lengue. 'ste robe łe fa parte del progeto orixinal. Zserto, se noialtri gavésimo material vèneto, in vèneto, pensà da vèneti, podarìa ésare sicuramente de pí grando interese e de pì suceso par ła Wikipedia en lengua vèneta, visto che nialtri tratemo i argomenti in modo ben difarente da queło del mondo de cultura anglosassone. Ma, spetando contenuti originałi, podemo pur tradure material che par adesso non xe ancora stà concepio ne ła nostra version.

Grandezsa de łe vozsi? L'inportante xe che ła vozse ła sia da enzsiclopedia. Donca, tuto queło che descrive el conceto examinà con ła major richesa posibiłe.

Aprofondimento consentio? Par dirla come i Inglexi: No-limits! Wikipedia non xe fata de carta, i bit i costa poco, e ne ghe xe stà metesti a dispoxizsion par dimostrare che ła conosienzsa xe stà in pasato limità dal costo dei suporti. 'sto suporto no ne costa, e lo podemo usar, par dirla, 'sta 'olta, come che dixeva i Latini, ad libitum. Ad exenpio, ła vozse Tipografia ła pode originar łe soto-vozsi Maiuscołeto, Punto tipografico, Crenatura, Virgołete e tute quełe che ve vegne in mente. Le sarà tute ben accolte e non sarà fora lógo parché tropo specialixae.

Par s·ciarir co qûalche exenpio cosa metare ti pol vedar ła pàxena: precedenti.

Sottopagine

Aiuto:Cosa métare su Wikipedia/Prinçipi generałi bozsa in discusion
Aiuto:Cosa métare su Wikipedia/Bibliografie varda: Wikipedia:Bibliografia
Aiuto:Cosa métare su Wikipedia/Luoghi geografici bozsa in discusion
Aiuto:Cosa métare su Wikipedia/Biografie personaggi policy
Aiuto:Cosa métare su Wikipedia/Differenzsa fra un dizsionario ed un'enzsiclopedia
Aiuto:Cosa métare su Wikipedia/Criteri de enzsiclopedicità per axiende bozsa che xe drio vegnir discusa
Aiuto:Cosa métare su Wikipedia/Criteri de enzsiclopedicità par prodoti bozsa che xe drio vegnir discusa