Piave
Da Wikipedia, ła ençiclopedia libara.
| Piave | |
|---|---|
| Lunghezsa: | 220 km |
| Portata media: | 100 m³/s |
| Bacino idrografico: | 4.126,84 km² |
| Altitudine deła sorxente: | 2.037 m s.l.m. |
| El naxe: | Monte Peralba, val de Sappada |
| El sfocia: | Mar Adriatico vizsin Cortellazzo (VE) |
| Paesi traversè: | Italia |
El fiume Piave el nase 'ntełe Alpi Orientałi, ała base meridionałi del Monte Peralba, 'ntel comun de Sapada, in provincia de Bełun, a quota 2.037 m s.l.m.. Ła sò foce ła xè 'ntel Mar Adriatico, al nord-est de Venezsia, visin del porto de Cortełazso. El xè el quinto fiume deł'Itałja par łonghezsa fra quełi se buta diretamente in mar.
El fiume el xè par intiero contegnù 'nte i confini del Veneto. El traversa el Cadore e ła Valbełuna in Provincia di Bełun e ła pianura veneta 'ntełe province de Treviso (Valdobbiadene, Ponte della Priula, Ponte di Piave) e de Venezsia (San Donà di Piave)
Za dopo pochi chiometri da a sorgente el Piave el asume 'na notevoe portata dovua all'affluso de numerosi torrenti.
I so principai affluenti i è:
- Ansiei
- Boite
- Cordevole
- Maè
- Soligo
- Sonna
- Tesa
el pi importante de questi l'è el Cordevole, co un bacin imbrifero de 66.77Km2.
El bacin superior del Piave, de cui el fiume costituisae l'asta principae, el comprende i laghi alpini
- lago de Alleghe
- lago de Misurina
- lago de S.Croce sul Tesa ('na derivazion del Piave regimenta el lago pi un numero de bacini artificiai).
[modifica] Cenni storici
El fiume Piave l'è considerà sacro aea patria, in virtù degi avenimenti storici accadui sue so sponde durante a prima guerra mondiale.
A part meridional del cors del Piave a iera diventada 'na linea strategica importante in tel 1917, in corispondenza dea ritirata avegnua in seguito a Caporetto. Dopo el pasajo sua riva destra del rest dee armae 'taliane e a distruzion dei ponti, el fiume deventa a linea de difesa contro e truppe austriache e tedesche che, nonostante svariai tentativi, non i è stati boni a varcar el fiume. A dificoltà dell'atraversamento a iera anca dovua al periodo de piena del fiume dovuo ae forti piove. A linea a è resistìa fin all'ottobre 1918 quando, dopo a battaja de Vittorio Veneto, i avversari i è stadi sconfitti e se rivò all'armistizio. Insieme a Vittorio n'altra cità che 'a'à subìo tante distrutziòn (completamente rasa al suolo) 'a é stata San Donà di Piave, che 'a'à ligà el sò destin co quel del fiume, e proprio par sto motivo 'a é stata insignìa dea Crose al Merito de Guera).
[modifica] Curiosità
A canzon probabilmente pi famosa dea prima guera mondial a iera La leggenda del Piave de Giovanni Gaeta pubblicata in tel 1918.
Fra i grandi fiumi italiani, el Piave xè el soło ch'el'à a sorgente e a foce che xè in tel stes meridian jeografico.
