Vicenzsa
Da Wikipedia, ła ençiclopedia libara.
Vicenzsa ła xe na zsità del Veneto e ła ga zsirca zsentoventimiła abitanti. La se capologo de provicia e sede del vescovo.
I abitanti de Vicenzsa (Vixentini) i xe famusi par èsare soranomenà "Magnagati"; soranome che se cata anca nel famoso proverbio:
"Venessiani gran signori, Padovani gran dotori, Vixentini magnagati, Veronesi tuti mati!"
Vicenzsa ła xe sta nominà patrimonio de l'umanità da l'UNESCO, par i pałazsi costruìdi dal Paladio.
Indice |
[modifica] Storia
Par la so arte la se una dele zsità pì importanti de la Venesia (e de l'Italia). Le so orijni le xe antiché asà, pare che la sia sta fondada dai Veneti atorno l'8° secolo v.c., difati xe sta catà, soto la Standa in corso Paladio, i resti de on tenpio veneto e de le laminete votive. Fasilmente la so orijine, come tute le çità venete, xe al'età de bronxo o prima ancora. El so nome, come testimonià da documentasion del 135 AC, jera Vicetia.
Dopo el desfamento de l'inpero roman vien ocupà e sotomesa in tenpi diversi dai Goti, dai Longobardi e dai Franchi e la resta soto l'influensa dei feudatari, dei re e dei inperadori germanici fin al 1000-1200. On poco a la olta dal 1000, el comun ciapà forsa e se svincola dal poder dei feudatari germanici, pur esendo coesti ancora forti e prexenti fra i nobili de la çità. Vicensa in te el medioevo deventa preda dei diversi potentadi feudali visini che i se la contende: i scalijeri, i Exelin da Roman, i Cararexi, e i Milanexi (tuti o cuasi di orijine germanica). Par non esar pì preda de le mire espansionisteghe dei diversi potentadi, Vicensa deçide de sotometarse a la Republica Veneta, a ch'el tenpo na potensa economega e militar e goernà da on rejime çivile che gavaria garantio, paxe, benesare e libartà de comerçar. Unico periodo de goera xe stà el 1509-1517, la Goera de Cambray, indove Vicensa xe stà diverse olte ocupà da austriasi o da Venesiani.
On altro momento tragico xe sta la calada dei Lanzichenechi tedeschi a Mantova del 1630, che ga portà la peste in tuta la Venesia, e a cauxa del coale xe stà costruia la baxilica de Monte Berico. El tempo de la paxe e del benesare finise co l'arivo de le orde napoleoniche in t'el 1797 e dopo co l'ocupasion francexe del 1809-1815. Difati i francexi i ga invaxo la Venesia, e i ga sacheja e spolià conpletamente le çità venete prima de consegnarla ai austriasi. E dopo, dal 1809 al 1815, i ga ocupà la Venesia, mandando via i austriasi e inponendo tase enormi e leva obligatoria par finansiar le canpagne militari (p. ex. canpagna de Rusia).
I italiani i ocupa Vicensa in t'el 1866 e dopo puchi ani scumisia la granda emigrasion che ga colpio tuta la Venesia fin a la fine de la seconda goera mondiale a ondà sucesive.
La prima goera mondiale segna asà Vicensa che esendo in te le retrovie del fronte deventa on çità de xmistamento de soldai, armamenti e de ospedai, con grave dano par la so economia.
Anca co la seconda goera mondial Vicensa subise pesanti bonbardamenti che cauxa la morte de tanti çivili e gravi dani al patrimonio imobiliare e cultural (duomo e baxilica paladiana distruti). Solo dopo la ocupasion anglo-mericana Vicensa otien la paxe che ghe consente de tornar a esare in poche dexine de ani na potensa economega e industrial.
[modifica] Cultura
[modifica] Monumenti
[modifica] Progeti del Paładio
- Basilica de Paładio
- Pałazso Barbaran Da Porto
- Pałazso Chiericati
- Pałazso Da Porto Breganzse
- Pałazso Thiene
- Teadro Ołimpego
- Viła Capra ciamà anca la Rotonda
[modifica] Musei
- Museo de robe naturali e de robe vece de S. Corona
- Museo del risorgimento e della resistenzsa
- Posto cole piture e i disegni de Vicenzsa
- Esposision de piture de Palazso Leoni Montanari
- Museo dela Real Casa del Portogalo
- Museo picinin dei schei
[modifica] Schei
Intorno a Vicenzsa ghe xe fabriche che le laora el fero e i altri metałi, che produse sostanzse chimiche e medizsine, che fa la carta e che ghe stampa de sora. Pì importante de tuto par l'artiginà xe el setore de l'oro, dove che Vicenzsa xe considerà la capitałe de l'Italia. La pì grosa esposision de artiginà de l'oro xe VicenzaOro, che ła ga na posision de importansa mondiałe par el setore. Suito dopo l'oro, la roba pì importante par Vicenzsa xe la pełe, che vien lavorà sopratuto a Arzsignan e a Ciampo, e che la vien spedìa in tuto el mondo. El giornałe più groso de ła provincia, el "Giornale di Vicenza" (Giornałe de Vicenzsa), el ga la so sede in te la cità de Vicenzsa.
[modifica] Trasporti
[modifica] Roba da magnare
Vicenzsa la xe importante pal vin, che il ghen produse un fraco de queo bon. Dei meio in tuta la produsion ghe xe el vin Vicenzsa, el Gambelara e queo del Monte Berico. A tuta sta produsion de vin ghe xe da zontarghe anca e robe da magnare tipiche, che i e conosse anca in giro pal mondo:
- El Bacalà
- I Risi e bisi
- I Risi e bruscandołi
- La Polenta e osei
- La mostarda
- I Bigołi co l'Arna
[modifica] Scole e università
La zsità la ga la pì alta percentuałe de gente che la va a scoła de tuto el Veneto, e la xe anca una de le pì alte del Italia, pì importante de tuto le scołe medie superiori. Vicenzsa xe sede destacà de l'Università de Padoa: par Ingegneria ghe xe le lesion de Ingegneria gestionale, ingegneria mecanica, ingengeria mecatronica; par medizsina vetrinaria ghe xe el corso de sicuresa de la roba che se magna. Se anca sede destacà de l'Università de Verona, che la ga meso su i corsi de economia del comercio internasionałe e Economia e ministrasion dele imprese.
[modifica] Zénte inportante che xe nada a Vicenzsa o dintórni
(par ordene alfabedego)
- Flavio Albanese, architeto
- Roberto Baggio, xugadóre de balon
- Giuseppina M. Bakhita, santa
- Fernando Bandini, poeta
- Valerio Belli, scultore
- Maria Bertilla Boscardin, santa
- Ottavio Bertotti Scamozzi, architeto
- Gelindo Bordin, coridore
- Roberto Busa, religioso e informadego
- Bruto Caldonazzo, matematico e fisico
- Tullio Campagnolo, coridore e bicicletaro
- Luigi Da Porto, scritore
- Almerico da Schio, astronomo, meteorologo, inventore
- Gaetano di Thiene, el santo dea providenxa
- Otello De Maria, pitore
- Diego Della Palma, visagista
- Ilvo Diamanti, politologo
- Gabriella Dorio, coridora
- Enrico Fabris, patinatore olimpico.
- Federico Faggin, sciensià informadego e inventore
- Antonio Fogazzaro, scritore e poeta
- Gigi Ghirotti, scritore e giornalista
- Antonio Giuriolo, partigian
- Fedele Lampertico, economista, scritore e polidego
- Urbano Lazzaro, partigian
- Niccolò Leoniceno, dotore
- Paolo Lioy, naturalista, senatore del regno
- Luigi Meneghello, scritore
- Romeo Menti, xugadóre de balon
- Andrea Palladio, architeto
- Goffredo Parise, scritore
- Antonio Pigafetta, scritore e navigadore che ga finio de fare el giro del mondo scuminsià da Magelan
- Guido Piovene, giornalista e scritore
- Orlando Pizzolato, coridore
- Marcella Pobbe, cantante
- Manuel Righele, romansiere
- Mario Rigoni Stern, scritore
- Sergio Romano, storico e diplomadego
- Alessandro Rossi, queo dela Lanerossi de Schio
- Paolo Rossi, sugadore de balon
- Mariano Rumor, polidego
- Flo Sandon's, cantante
- Vincenzo Scamozzi, architeto
- Gino Soldà, guida alpina
- Gian Antonio Stella, giornalista e scritore
- Silvia Toffanin, shougherl
- Tiziano Treu, polidego
- Vitaliano Trevisan, scritore e atore
- Gian Giorgio Trissino, omo de letare
- Giovanni Volpato, scultore
- Giacomo Zanella, poeta e prete
- Gloria Zanin, misitalia nel novantadò
[modifica] Spor
[modifica] Calcio
La pì granda squadra de calcio dela cità xe el Vicenzsa Calcio, che la ga ciapà na Copa Italia e na Copa Italia de Serie C. Gà zsugà par 30 ani in te el campionato de serie A, 20 tacai un drio co l'altro, scuminsià in te la staion 1955-56 e finii in quela 1974-75. Nela staion 1977-78 la ga ciapà el secondo posto in tel campionà, anca parchè ghe gera Paolo Rossi che el faseva gol. In te la staion 1997-98 la xe rivà in semifinale in te la Copa dele cope.
[modifica] Bala a canestro
La squadra dele femene de bala a canestro la ga na tradision bela longa, co 12 scudeti, 5 cope dei campioni, na "Coppa Ronchetti" che la ga vinto.
Ricordemo che anca Schio gà una squadra de bala a canestro che gà vinto du scudeti, du "Coppa Ronchetti", tri "Coppa Italia" e una "Supercoppa Italiana".
[modifica] Bala a volo
La squadra de bala a volo dele femene, parà su in serie A1 in te la staion 1997-98 ga vinto na "Coppa Cev", 2 scudeti de beach volley 4x4 e 4 "Coppa Italia" de beach volley 4x4. Nel 2003 la ga vinto lo scudeto par le fiole che ga manco de 19 ani.
[modifica] Ministrasion
- Sindaco: Enrico Hüllweck.
- Comune: 0444 221111
