AC/DC
From Wikipedia
AC/DC is een Australische ardrockgroep, ol noemn ze't zeve wel roknrol (It's A Long Way To The Top (If You Wanna Rock & Roll)).
Inoud |
[bewerk'n] Geschiedenisse
AC/DC is in 1973 upgericht in Sydney deur Malcolm Young. Das ne gitarist, uut e muzikale emigrantnfamilie uut Schotland. D'n êestn bekendn zanger van de groep wos Bon Scott. AC/DC ad in eigen land rechtuut vele succes.
[bewerk'n] Leed'n
De groep bestoat ut zanger Brian Johnson (sedert 1980, achter de dôod va Bon Scott), de broers Angus en Malcolm Young (gitaar), Phil Rudd (drums) en Clyff Williams (basgitaar). Zieder weunn nu een heel ende uut elkaar. Johnson e Williams weun in Amerika, Angus in Olland (en is etrouwd medden Ollansche), Malcolm in Iengeland, Rudd in Nieuw-Zêeland.
[bewerk'n] De noame en de controversje
De name AC/DC, die stoat vôor Alternating Current/Direct Current (wisselstroom/gelykstroom), eet de zuster van Angus en Malcolm , Margaret, bepeisd. Zad da geleezn up een elektrisch toestel. Sommige religieuze figuurn en AC/DC probeern te koppeln an satanisme (AC/DC = Anti-Christ/ Devil's Child(ren), of oek nog After Christ/Devil Comes of Anti Christ/Death to Christ). Mor de groep eet gezeid da 't ol gin woar is en da 't up undr system werkt wuk da ziedr zegn.
[bewerk'n] Bekende nummers
- Whole Lotta Rosie (1977)
- Highway to Hell (1979)
- Thunderstruck (1990)
[bewerk'n] Gimmicks
- Angus Young lopt op 't podium ossan roend in e schoolkostuumptje. E doet nu en toen oek de duckwalk, e dansje da Chuck Berry uutgevoen et.
- Brian Johnson droagt ossan e klaksje op zien oofd.
- Bie Whole Lotta Rosie (dad over en oere goat), bloazn ze e kweetnie oe grôote pup'up (me nie ol te vele klêers an).
- Nunder uptreens endigen ossan me For Those About To Rock (We Salute You). 't Stoan toene kannongs upt podium, die vele leevn moakn, ider kêe da Brian Johnson Fire roept.
[bewerk'n] In Belgje
- 'n Latste kêe danze in Belgje espeeld en (in Flanders Expo in Gent in 2000), is er êen van nunder faans van e tribune evoln en ne wos me zen oar.
- Z'en oek ol êentege kêers in West-Vloandern espeeld. In 1977 deenz'uptreens in Poperienge, Erdryke en Oarelbeke. In 1978 wost in Kookloare te doen.
