Alvinne (Picobrouwery)
From Wikipedia
Picobrouwery Alvinne is en brouwery in Iengelmunstr. De brouwery weird ipgericht lyk ne VZW deur Glenn Castelein en Davy Spiessens.
Ulder êeste bier, Alvinne Blond, wird zêre gevolgd deur en Blond Extra, Bruine en Tripel-varioatie.
Doanevenst wirden er ôok verschillende etikettebieren gebrouwn. Da gebeurt mêestal ip aanvroage van verênigiengen of streekbiercafés.
Alvinne is en picobrouwery, da wil zeggn daz'ze allêne moa in klêne hoeveeleedn, een klêne 4 hectolitr per kêe, brouwen. Ulder bier es dan ôok moa in en poar gespecialiseerde biercafés of in de brouwery zelve te kôpe. Omda ze zôon klêne produktie ein es uldere brouwery moa 'n goe schorte grôot.
Alvinne tôogt da'ter noast Inbev en de grôte brouweryn nog ploatse es vôor klênere brouwers woar datten stil nog met erte en ziele eutgeoefend wird.
[bewerk'n] Sôorten bier van den brouwery
- Alvinne Blond
- Alvinne Tripel
- Alvinne Bruin
- Alvinne Blond (Extra)
- Melchior
- Balthazar
- Podge Belgian Imperial Stout
- Gaspar
[bewerk'n] Brouwerscursus en vôordrachten
Picobrouwerij Alvinne organiseert ôok ne cursus vôor amateurbrouwers. Achtr en serieuze theoretische inleidienge kregen de cursisten d'occoazie ulder eign bier te brouwen. Oat da goe lukt, keundje vôder experimenteren en jen eign familiebier (loaten) brouwn.
Lesgever Glenn Castelein, die zelve gediplomeerdn brouwer es, kan ip anvroage vôordracht'n komn geevn over 't brouwn. Ie geeft ôok vôordrachtn oovr de Belgische bierkultuur (geschiedenisse, 't schienken, degusteren, ..). 't Drienk'n moeije zelve kunn.
[bewerk'n] Externe koppelienge
Categories: Brouwer | Bier | Drank
