Chikong
From Wikipedia
Ne chikong es een stik wit groensel dat op 'n hêle specioale manier gekwêekt wordt.
Eerst wordt er chikorei gezoaid (familie van roodlof en andyvie) en de wortels word'n geôogst. Ton word'n de wortels in bakk'n gezet, overdekt met eirde en nen doek zoda ze in den doenker zitt'n.
Achter drie à vier week'n es't er nieuw lôof geschoot'n: de chikong. Oa't y te vele de kloarte zie, ton is t'n gesgroene.
Dienen chikong wordt verkocht als grondchikong en is den dierst'n. De goekopere versie, die veel minder bitter es, es op woater gekwêekt (hydrokultuur). Roodlof eit rô kropkes; salade van Verona.
Chikongs word'n surtout gekwêekt in Belgie, Olland en Nôord-Vrankryk. By oes zyn d'er hêel wa kleine chikongkwêkeryen.
Bereidingen:
- in stikskes gekapt, gemingeld me mayonaise; ideoal me friet'n
- gestoofd in beuter me ne goen droai peper en notemuskoat
- saloa me stikskes chikong, appels en rô bêet'n, veldsaloa, 'n poar bladjes vèsche versneen munt en ne klak vinaigrette (me frambôze azyn)
- chikongs in rollekes espe me puree: 'n echte Vlamsche specialiteit
Vo de bereidinge in rollekes espe: chikongs koken, uutlekk'n, in espe rollen, overzopp'n met 'n bechamelsause met veel koas, nog koas en chapelure derop en gratineren in den oven.
In Vloandern klapp'n we van Chikongs of witloof, de Woalen van chicon, d'Ollanders van Witlof, en de Fransmans van endives. Da latste gift verwarring me de andyvie (saloa) en doarom zoen ze't wel ne kê chicorées durvn noemn.
