Plankis
From Wikipedia
Het plankys, plankier of trottoir (AN: het voetpad) es een stroke vo voetgangers langs de stroate. Ze zyn der ofgezonderd van de oto's, zodoanig da ze nie overreen zyn.
Het plankys weird mêestol in doalen of klienkers geleid, ol bestoat y soms ôok uut betong of stêengruus.
De latste joarn weird'n ze mêer en mêer gebruukt in verkêersremmende constructies (deur ze me parkings en klêne parkskes soamn te voegn) en weird'n ze mêestol in klienkers geleid. 't Plankys weird in Belgje allêne geleid ip plekk'n woar dat er een uus gebouwd es, zodoanig da je in minder bebouwde stroatn dikwyls een onderbrekienge krygt van het plankys.
