Stijn Streuvels
From Wikipedia
Stijn Streuvels, pseudoniem van Frank Lateur (Eule, 3 oktober 1871 – Ingooigem, 15 ogustus 1969), wos e Vlamsche schryver. Z'n styl wos gekenmerkt deur 't naturalisme (den artist of schryver tôogt 't leven lyk of da 't in de werkelykeid es).
Inoud |
[bewerk'n] Z'n leven
Stijn Streuvels wos 't derde kind van Kamiel Lateur, e klêermoaker, en Marie-Louise Gezelle, e zuster van Guido Gezelle. Oa'tn joenge knecht wos, lêerde Stijn Streuvels de bakkersstiel. Op z'n 16 veruusde de familie noa Oavelgem om e bakkery over te pakk'n.
Streuvels blêef van 1887 toet 1905 ôofdzoakelyk in Oavelgem, woa datn bakte en schrêef. In 1899 kwam z'n êeste werk uut: Lenteleven, e bundel mè verhoaln. In 1905 trouwde Stijn Streuvels mè Alida Staelens. 't Gezin gienk in Yvegem (Ingooigem, dêelgemêente van Anzegem) weun'n in een uzetje ip nen euvel me 'n magnifiek uutzicht, da ze 't "Lysternest" noemd'n. Van nu of dêe Streuvels ni anders of schryvn. Ieder joar kwam't er wel e boek uut van em. Streuvels is in Yvegem dôogegoan, op 15 augustus 1969.
[bewerk'n] Bekendste werk
- Lenteleven (1899) (mè de volgende verhoaln: De witte zandweg - In den voorwinter - Kerstavond - Slenteren - Op den dool - Van ongroei - Lente - In de vlage - Een pijpe of geen pijpe - 's Zondags - Een ongeluk - Wit leven - Het einde)
- De vlaschaard (1907) (verfilmd in 1983)
- De teleurgang van de waterhoek (1927) (verfilmd onder de noame "Mira" in 1971)
- Het leven en de dood in den ast (1944)
[bewerk'n] Literaire onderscheidiengn
- 1962: de Prys der Nederlandse Letteren, voe hêel z'n oeuvre.
- 1906 & 1911: de vuufjoarlykse stoatsprys
- 1935: de grôte Stoatsprys vô letterkunde.
Streuvels wos ôok doctor honoris causa an de universiteitn van Leuven, Münster e Pretoria.
[bewerk'n] Streuvelsroute
De autoroute Streuvelsroute es noar em genoemd en lopt deure 't glooiende landschap tusschn de Leie en De Schelde en de streke rond Kortryk woadat 't vlas vroeger vrêe belangryk wos.
De route passeert an 't Vlasmuseum, zyn geboortenhuus, 't Lysternest, ...
